الزمالك
كشف الناقد الرياضي أحمد عويس عن تغييرات ثورية في نادي الزمالك بعد الخسارة بهدف دون رد أمام الترجي التونسي، في المباراة التي جمعت الفريقين في الجولة الرابعة من دور المجموعات بدوري أبطال إفريقيا.
وقال عويس خلال حديثه ببرنامج «ستاد الوطن» والذي يقدمه أيام السبت والإثنين والأربعاء من الساعة السادسة: «فيه كلام بيتردد إن الوزير كان متواجد في مباراة الزمالك أمس وتعرض لهجوم وترك الملعب ولكن الأنباء القوية المترددة إن الوزير هيعين لجنة جديدة برئاسة كمال درويش، كلام بنسبة 90% هيتحقق خلال الساعات القليلة المقبلة، الزمالك يحتاج لناس بتوع رياضة يديروه، المودجودين حاليا قامات كبيرة ولكن مش بتوع رياضة، سيبوا الزمالك لبتوع الرياضة ولا يصح إللي بيحصل مع الزمالك مينفعش يكون الزمالك مهلهل كده».
وتابع عويس: «شيكابالا زعق لمحمود الونش وقاله انتوا قاعدين تلبعوا كور بالعرض وكارتيرون ترك أحمد عيد وحيدًا أمام جبهة الهوني واللاعب صغير وخبراته قليلة جدا والجبهة بتاعته كانت مرعبة».
وأكمل: «النقاز منذ انضمامه للترجي عمل اتنين أسيست أمام الزمالك فقط هو أثبت انه لاعب كويس أمام الزمالك إللي مكنش موجود، هناك مشاكل بين حراس المرمى، وساسي عنده عقد 2 مليون دولار عشان يجدد وزيزو عايز 15 مليون عشان يبدأ يتفاوض لتجديد عقده مع الزمالك».
وتابع: «الزمالك لازم يفرض شروطه مع اللاعبين، معلوماتي أن ساسي عايز يجدد عنده عقد بـ2 مليون فعايز يقرب المسافات واللي مش عايز يلعب للزمالك يمشي عنده ناشئين وعنده لاعبين ممكن يكونوا أهم لاعبين في مصر، وليه الزمالك يفضل تحت رحمة لاعبيه زيها زي غيرها تشكيل الزمالك فعلا بيضم افضل لاعبين في مصر».
وعن إمكانية تأهل الزمالك قال عويس: «الزمالك على الورق موجود ولكن فنيا هو للي في ايده ده بالمستوى اللي شوفناه امبارح ده مينفعش الزمالك يوصل لحد كوبري إمبابة، تصدر الزمالك للدوري هو تصدر وهمي وخسران نقاط كتير والأهلي لما يرجع هيبدأ يتصدر ويصدر ضغط للاعبي الزمالك وجماهير الزمالك لا تستحق ما يحدث من لاعبي الزمالك نهائيًا».
البنك الأهلي
-
:
-
07:00 PM
الدوري المصري
المصري البورسعيدي
إنبي
-
:
-
07:00 PM
الدوري المصري
مودرن فيوتشر
تعليقات الفيسبوك