أحمد المحمدي
قال أحمد المحمدي، نجم فريق أستون فيلا الإنجليزي، إنه لا يمانع للانضمام لصفوف منتخب مصر بدون المشاركة أساسيًا أو ارتداء شارة القيادة، مضيفا في تصريحات تلفزيونية في «برنامج الماتش» الذي يُقدمه الإعلامي هاني حتحوت عبر شاشة «صدى البلد»: «النقطة المهمة هي الصعود، الأجواء كانت صعبة في كينيا وفي لعيبة بقالها فترة بعيد عن المنتخب، كان الأهم هو الصعود والتأهل، الفترة الجاية صعبة بسبب تصفيات كأس العالم، الناس لازم تقدر ظروف المنتخب والتجمع في فترات صغيرة بيكون صعب الأداء والأهم هو الأداء».
وأضاف المحمدي: «الفترة الجاية هيكون في فترة أطول والجهاز يقدر يشوف اللعيبة بشكل أكبر، أتمنى الفترة الجاية أكون موجود وده شرف كبير لأي لاعب».
وشدد نجم أستون فيلا الانجليزي على أن «استبعادي عن المنتخب مع حسام البدري وجهة نظر فنية تحترم طبعًا، ممكن الفترة دي الجهاز يعتمد على عناصر تانية، لكن الفترة الجاية رأيي إنه هيعتمد على أصحاب الخبرات أكتر، في عناصر شابة انضمت هتبقى مفيدة للمنتخب».
وأكمل: «مؤمن بمقولة إن الجهاز الفني له الرأي الأول والأخير ولكن في رأيي إن اللاعبين أصحاب الخبرات لازم يكونوا موجودين علشان يفيدوا القائمة حتى لو مش هيشاركوا أساسي، علشان تدي اللعيبة المنضمة حديثًا الخبرات، مع كوبر مكنتش بنضم في الأول ولما لعبت في الجابون قدمت بطولة مميزة، مش شرط اني العب اساسي علشان انضم، دي رؤية الجهاز الفني».
وأوضح:« وارد يكون عامل السن سبب في عدم ضمي، لكن في ناس اكبر مني انضمت عادي، علشان كدة أنا شايف ان ده مش سبب مش مقنع، ممكن يكون بيفكر ينزل بالسن ولكن المرحلة الجاية مختلفة».
وأتم المحمدي تصريحاته قائلاً:«بخصوص شارة القيادة، انا بقالي سنين في انجلترا والمدير الفني هو الي بيقرر مش بالأقدمية، الموضوع مختلف برة مصر، انا بالنسبالي اتعودت ان لو المدير الفني مش هيختارني كابتن خلاص عادي، لو انا موجود مع المنتخب والشارة هتبقى مع حد تاني معنديش مشكلة».
مانشستر يونايتد
-
:
-
05:00 PM
الدوري الإنجليزي
بيرنلي
الجونة
-
:
-
07:00 PM
الدوري المصري
الاتحاد السكندري
أستون فيلا
-
:
-
10:00 PM
الدوري الإنجليزي
تشيلسي
وست هام يونايتد
2
:
2
02:30 PM
الدوري الإنجليزي
ليفربول
بلدية المحلة
0
:
3
04:00 PM
الدوري المصري
زد
تعليقات الفيسبوك