سيد عبدالحفيظ
انتقد سيد عبدالحفيظ، مدير الكرة بالنادي الأهلي، اختيار مدينة الإسكندرية للعب مباراة كأس مصر، أمام النصر.
وقال «عبدالحفيظ» في برنامج «الماتش» عبر شاشة صدى البلد، والذي يقدمه الإعلامي هاني حتحوت: «عاوز اسال سؤال، هو أنا بلعب في اسكندرية ليه؟».
وأوضح مدير الكرة: «اللائحة بتقول ملعب محايد مش بلد محايدة، أنا والنصر من القاهرة، رغبتي أنا والنصر اننا نلعب في القاهرة»، مضيفا: «ممكن اتحاد الكرة يقولي روح العب في بتروسبورت ولا الكلية الحربية ولا المقاولون ولا في أي ملعب في القاهرة، وهتبقى ملاعب محايدة ليا وللنصر».
ونوه سيد عبدالحفيظ، إلى أن «الرد اتقال من اتحاد الكرة إننا لعبنا في الاسكندرية علشان يبقى في تكافؤ فرص، إن الزمالك هيلعب في السويس فإنك تروح تلعب في الإسكندرية، دي مالهاش علاقة باللائحة».
واختتم «عبدالحفيظ» تصريحاته: «القرعة جابتني إني ألاعب فريق من القاهرة فنلعب في ملعب محايد، لكن مش تمشيها على مزاجك، مش علشان فرقة هتطلع السويس تطلع فرقة تانية الإسكندرية».
تعليقات الفيسبوك