طارق السيد
تحدث طارق السيد نجم الزمالك السابق، عن تصريحه السابق بأنه «شامم ريحة الدوري»، مشيرًا إلى قدرة الزمالك على الفوز باللقب هذا الموسم، موضحا في تصريحات تلفزيونية في «برنامج الماتش» الذي يُقدمه الإعلامي هاني حتحوت عبر شاشة صدى البلد «وقت ما قلت التصريح ده كان بعد أول مباريات للفريق».
وأضاف طارق السيد:«اتفرج على الزمالك أول 6 مباريات، كان حاجة تفرح وفيه شغل محترم معمول».
وأكمل طارق السيد:«بعدها طلع أن الناس في الجهاز الفني وقتها مش مسيطرة ومشينا بشكل لا يليق سواء أشرف قاسم أو عبدالحليم علي، اتظلموا ومشيوا».
وواصل نجم الزمالك السابق:«جمهور الزمالك عاوز بطولة، الناس تعبانة، أنا حزين على جمهور نادي الزمالك».
وأردف طارق السيد:«كارتيرون بيناقد نفسه في التصريحات، إزاي بيقول إننا كنا الأفضل في الشوط الثاني وبيقول إن اللعيبة كانوا معاقين، أنا مش فاهم تصريحاته».
وواصل: «لعيبة الزمالك بتتكلم في الفلوس وبس، هاتوا بطولات الأول، أنا مش مصدق الجيل ده، المفروض أنهم محسوبين أنهم من أفضل أجيال الزمالك، الزمالك نادي بطولات، قارن الجيل بغيره بالبطولات مش بالمهارات الفردية»
وأشار: «عماليين نقول بن قلبي والرسام وفي الآخر مفيش بطولات، مش عاوز ألقاب على اللعيبة، أنا عاوز بطولات».
تعليقات الفيسبوك