وليد عبد اللطيف يعترف: كنت باخد تعليمات عشان أهاجم حازم إمام ورموز الأهلي
08:36 م | الأربعاء 21 أبريل 2021
وليد صلاح عبد اللطيف لاعب نادي الزمالك السابق
اعترف وليد صلاح عبد اللطيف لاعب نادي الزمالك السابق، لأول مرة أنه حصل على تعليمات من أجل مهاجمة حازم إمام وبعض من الرموز بالنادي الأهلي وكذلك الحديث عن أن الحكام يجاملون القلعة الحمراء.
وردا على سؤال أحمد شوبير والذي قال له خلال استضافته ببرنامج «أقر وأعترف»: «أعترف أن تشكيك بعض الزملكاوية وأنت منهم في مجاملة الأهلي لا أساس لها من الصحة، وكانت تعليمات عشان كده كنت بتقولها».
ورد عبداللطيف: «خلي بالك هي طبعا كانت بتتقال ولكن الفكرة الأهلي والزمالك بيتجاملوا ولكن مفيش قصد بمجاملة أي فريق على حساب التاني، لكن الكلام عشان جمهور الزمالك يتحمس وتسخين للجمهور، وتوجيهات لينا وتعليمات وجمهور الزمالك كان بيكون مبسوط مني وأنا مبسوط بالكلام اللي بقوله».
وتابع: «ولكن كنت بغلط في ناس مالهاش علاقة قلت على كابتن خطيب قيمة كبيرة من قبل وحصلت حملة رهيبة علي، وعلى الهواء حصل غلط وتضايقت جدا من الكلام ده، بعد عدم ظهوري في البرومو بتاع القناة طلعت وقلت مش هدخل نادي الزمالك تاني وما فعلته أثر علي أكيد ولكن أنا زعلان إني غلطت في ناس واتكلمت بطريقة مش طريقتي خالص ومشتغلتش من وقتها».
وليد عبداللطيف: الكلام مكنش طالع مني
وأكمل: «بس أنا راضي عن نفسي ولكن نفسي كل واحد اتكلمت عنه بطريقة سلبية ميزعلش مني لأن الكلام مكنش طالع مني مش عارف ايه خلاني اتكلم كده، واعمل كده حاسس أن حازم إمام لسه زعلان مني، كان هناك توجيه بمهاجمة حازم إمام وبحس إنك زعلان مني وكابتن سيد عبدالحفيظ ولكن الموضوع انتهى».
تعليقات الفيسبوك