شادي محمد: تسريباتي المسيئة للخطيب «مزورة» من مافيا على السوشيال
10:13 م | الإثنين 03 مايو 2021
محمود الخطيب رئيس النادي الأهلي
أبدى شادي محمد قائد النادي الأهلي السابق، اعتراضه على تسمية جيله بـ«جيل أبو تريكة وبركات»، خلال حواره مع الإعلامية بسمة وهبة مقدمة برنامج «العرافة» الذي يعرض عبر شاشة «المحور».
وقال شادي: «لا أبو تريكة لوحده نجم النجوم ولا بركات لوحده، ولا أي لاعب كان موجود، وكل لاعب في النادي ساهم في عدد بطولات كبير جدا، أنا مش بحب حد يقول جيل فلان لوحده، هي مش تنس ولا بنلعب لعبة فردية، وما بيننا وبين بعض مفيش نجاح بيجي إلا بالعمل الجماعي».
وأضاف: «مانويل جوزيه كان بيدخل في المحاضرات لما اتنين تلاتة بيشموا نفسهم وكان بيبص في السماء ويزعق، ويقول بصوا في السماء هتلاقوا نجوم كتير جدا، لكن أنا في الفرقة دي عاوز ناس تمشي على الأرض، إيدينا كانت في إيد بعض وكان الجمهور معانا ورحنا في حتة تانية كجيل».
شادي محمد: كابتن الخطيب «كبيرنا»
وحول ما إذا كان قد قال «أنا شيلت بطولات أكتر من محمود الخطيب»، قال شادي محمد: «مقدرش أقول جملة زي دي، يعتبر أنا أكتر كابتن في النادي الأهلي شال بطولات، لكن كابتن الخطيب رئيس الأهلي هو كبيرنا ومسؤول عن المنظومة الأهلاوية، وحتى لو عندي اللقب ده أعتز به ووسام على صدري، أنا الكابتن التاريخي ولازم أخد حقي».
وأكد شادي محمد، احترامه الكامل لمحمود الخطيب رئيس النادي الأهلي، قائلا: «لا أنا ولا أي لاعب لعب في النادي الأهلي يجرؤ إنه يتكلم كلمة على كابتن محمود الخطيب لأنه كبيرنا ورئيس النادي الأهلي، ولما الناس حبته مكنش عشان بطولات، لكن حبته عشان أخلاقه، والأجيال اللي مشفتهوش بيلعب بتحبه لأن الأخلاق تفرض نفسها على الجميع، ومش شادي ولا أي مخلوق يقدر يتكلم في المنطقة دي».
شادي محمد: التسريبات مزورة على السوشيال ميديا
وحول تسريباته المسيئة للخطيب، أوضح: «في مافيا على السوشيال ميديا، والتسريبات دي مزورة، في ناس بتعبث في السوشيال ميديا، ولما ساندت المهندس محمود طاهر مش عيب، ده راجل قيمة وناجح في البيزنس».
تعليقات الفيسبوك