ندوة حسام المندوه عضو الزمالك
تحدث حسام المندوه، عضو مجلس نادي الزمالك، عن بعض الأمور المتعلقة بالقلعة البيضاء، من بينها ديون النادي بالإضافة لملف أزمة تجديد فرجاني ساسي والذي أعلن عن رحيله بشكل رسمي، وما تسعى إليه اللجنة الحالية.
وقال «المندوه» خلال حديثه في ندوة «الوطن سبورت»: «اللجنة الحالية تفكر في مصلحة النادي، ويمكن لو فيه حرب هتكون مع الوقت فقط، بنحاول بأسرع وقت نعمل بعض من الإنجازات مثل توفير موارد مالية والتعاقد مع اللاعبين وتدعيم صفوفنا في كافة الفرق».
وعن ملف فرجاني ساسي، أوضح: «الحقيقة في ملف فرجاني ساسي واضحة جدًا، اللاعب جلس مع اللجنة 4 أيام وحصل على الجزء الأكبر من مستحقاته، وكلامنا واضح جدا لو ساسي حابب ويشرفه يرتدي التيشرت الأبيض احنا على دماغنا وهنقعد ونتفاوض، لحد دلوقتي مفيش كلام واضح متقال راجع أو لا، وفي حال وجود تقصير في العقد الحالي النادي ليه حقوق هيحصل عليها، ولكن نتمنى له التوفيق في أي خطوة، وكان لنا التأثير على نجومية ساسي وبريقه».
واستطرد: «حاولنا الجلوس مع اللاعب أكتر من مرة، وتواصلنا معه تليفونيا، ولكن الظروف مسمحتش بسبب مباراة الإسماعيلي وبعدها اللاعب سافر إلى تونس، وأوجه له رسالة بأن الزمالك كيان كبير ولو حابب ترجع أهلا بيك».
وأكمل: «شغلنا الشاغل دلوقتي أي مستحقات علينا سواء لاعبين أو قضايا احنا موجودين عشان نقول للناس ياجماعة اطمنوا مستحقاتكم موجود، ولكن مش هنعرف ندفع كل الفلوس».
وأردف عضو مجلس نادي الزمالك: «وفرنا نحو ما يصل لـ90 مليون تقريبا، وكل ما ينتمي للقلعة البيضاء روحوا وجددوا عضويتكم الزمالك محتاج للفلوس، وفيه أفكار أخرى احنا بنشتغل عليها كتسويق الشعار وغيرها، وهناك حساب تبرعات فتح من أمس أو أول أمس من أجل النادي».
بيراميدز
-
:
-
07:00 PM
الدوري المصري
مودرن فيوتشر
طلائع الجيش
-
:
-
07:00 PM
الدوري المصري
المصري البورسعيدي
تعليقات الفيسبوك