تريزيجيه
أعرب محمود حسن تريزيجيه، لاعب أستون فيلا الإنجليزي الحالي والنادي الأهلي السابق، عن أمنيته الكبيرة في العودة للعب ضمن صفوف الفريق الأحمر، واصفًا العودة للقلعة الحمراء بالحلم، ومن جانبه قال تريزيجيه في تصريحات تليفزيونية لبرنامج «أوضة اللبس» المذاع على قناة الأهلي: «والدي كان زملكاوي جدا وأنا طول عمري كنت بحلم ألعب في الأهلي، وأخويا كان أحرف مني 100 مرة بس مكانش عنده توفيق».
وأضاف: «فرقتي اتلغت وأنا صغير في ناشئي الاهلي ورفضت الرحيل وقعدت أتمرن 3 سنين ونصف.. وكهربا كان في نفس فرقتي وراح إنبي وقتها، وكنت على وشك الرحيل إلى قطر وكابتن علي ماهر رفض وقالي مفيش سفر، وهتمضي دلوقتي وهتلعب فريق أول وكان عمري 16 سنة».
وتابع تريزيجيه، حديثه قائلًا: «كنت بلعب رقم 10 ولعبت في نص الملعب بتوصية من علي ماهر ولعبت وسط جيل العتاولة، وجوزيه قالي وهو ماشي إنت هتكون أحسن لاعب في مصر لأنك أحسن ناشئ دربته في مسيرتي».
وأردف: «كنت 10 سنين وبسافر من موقف رمسيس وعبود وكنت بنام في المواصلات وأنا حاضن جزمة الكورة عشان متتاخدش وأنا نايم، وكنت بنام في جامع النادي ساعتين قبل التمرين عشان أقدر أتمرن بعد المشوار من كفر الشيخ».
وأكمل تريزيجيه، حديثه، قائلًا: «كنت على وشك الانتقال إلى أحد الأندية الكبرى في إنجلترا، ووصلت للدوري الإنجليزي لأني اتربيت في الأهلي وده مش كلام شعارات وكنت عارف إني هعدي على محطات كتير عشان أوصل للمكان ده».
تريزيجيه
وواصل تريزيجيه، حديثه قائلًا: «كنا بنكسب 10 و12 في المباراة ايام الناشئين ولما كنا بنكسب 2 صفر بس كنا بناخد دش قاسي من المدرب».
وأتم: «عودتي للنادي الأهلي حلم من أحلامي.. أتمنى العودة وأنا واقف على رجلي وأجيب بطولات».
فاركو
-
:
-
04:00 PM
الدوري المصري
الإسماعيلي
الداخلية
-
:
-
07:00 PM
الدوري المصري
سيراميكا كليوباترا
الأهلي
-
:
-
07:00 PM
الدوري المصري
الجونة
تعليقات الفيسبوك