شقيق حسين الشحات يهاجم خالد الغندور بسبب الشناوي:«كداب»
هاجم محمد الشحات، شقيق حسين الشحات لاعب الفريق الأول لكرة القدم بالنادي الأهلي، مقدم برنامج زملكاوي على قناة نادي الزمالك الرسمية، عقب حديثه خلال الساعات القليلة الماضية عن هجوم جماهير النادي الأهلي على محمد الشناوي حارس مرمى الفريق عقب مباراة بيراميدز، والتي أقيمت أحداثها مساء أمس الخميس على أرضية ملعب «الأهلي وي السلام».
ونشر شقيق الشحات عبر حسابه الشخصي بموقع التواصل الاجتماعي «فيس بوك»: «أنا مش متخيل أن إعلامي زملكاوي زي ده يكتب كلام زي ده ومطلوب منه إن الناس تصدقه وتكدب عنيها وتلغى مخها، أحسن حارس مرمى في إفريقيا وبطلها، وإللى مستني يشيل كاس إفريقيا للسنه التانية آل إيه جمهور الأهلى هايشتمه ويهاجمه، كلام مضحك جدا الحقيقة ومايدخلش زمة أي مشجع لسه مشجع امبارح بتلاته جنيه».
محمد الشناوي حارس مرمي نادي الأهلي
وتابع: «جمهور الأهلي أعظم حاجه في منظومة الأهلي، أكتر جمهور بيقف في ضهر لعيبته ويدعمها لمجرد إنها لبست تيشيرت الأهلى مابالك بلعيب زى محمد الشناوى ياما ياما كان موجود وقت محتاجناه وكان فى الميعاد، المشكله إن في فيديو بيوثق الحالة وبيأكد كدب صاحب البوست، فيديو الجمهور بيقول للشناوي:«ولا يهمك ياشناوي»، يعنى بصراحة معرفش الكلام ده اتقال على أساس إيه والمفروض إننا نصدقه ونمشي وراه، بس الحقيقه أننا بنضحك عليه عشان بيأكدلنا حاجه إحنا عارفنها وحافظينها واتربينا عليها، الأهلى كبير أوى ياجماعة والله».
وكان لاعب الزمالك السابق قد نشر عبر حسابه الشخصي بموقع التواصل الاجتماعي: «رغم إني زملكاوي لكن ما حدث من بعض جماهير الأهلي في المدرجات بعد اللقاء غير مقبول تجاه حارس كبير كان سبب في إحراز الاهلي لبطولات كثيرة وهو حارس منتخب مصر الأساسي، وطبيعي أن يخطئ الحارس في بعض الأحيان».
تعليقات الفيسبوك