شيكابالا: «اهدوا علينا وسيبونا نركز عشان ناخد الدوري والكأس»

أخبار متعلقة

مدرب سلة الزمالك: شيكابالا كلمة السر في التتويج بالدوري «فيديو»

شحتة الاسكندراني: تسديدات شيكابالا لا تصد.. وكنت من مكتشفي محمد صلاح

وصلة رقص بين شيكابالا وأوباما في ليلة زفافه بحضور نجوم الزمالك «فيديو وصور»

فينجادا: شيكابالا من أفضل 10 لاعبين مهاريين دربتهم

طالب محمود عبدالرازق شيكابالا، قائد نادي الزمالك، بضرورة تواجد الاستقرار داخل القلعة البيضاء، من أجل تحقيق لقبي الدوري المصري وكأس مصر.

وخلال مداخلة هاتفية ببرنامج التالتة يمين، الذي يقدمه عبدالواحد السيد، عبر قناة نادي الزمالك، قال شيكابالا: «عندنا شخصيات كبيرة تقدر تعتمد عليها لو الكباتن مش موجودة، احنا عايزين استقرار كل شوية نصحى على حاجة جديدة، الناس تهدى علينا شوية بس يسيبونا نركز، الكلام ده مش موجود عندنا خالص إن يكون فيه استقرار بنصحى كل يوم على حاجه شكل».

شيكابالا: هنحارب على الدوري والكأس

وأكد قائد الزمالك: «هنحارب على الدوري والكأس، وبنوعد الجماهير بالمحاربة لآخر مباراة، وبنلعب مباريات كؤوس وأي ماتش بندخله احنا جايين نكسب ونمشي فقط لا غير».

ونوه شيكابالا إلى أنه «عندنا تلات حراس جامدين، ولما يجي الفرصة لأي حد بيمسك فيها، ومفيش أي مشاكل بينهم نهائيا، وأحمد نادر السيد هيكون أحسن حارس في مصر، هو المفروض يسد ودانه عن أي شيء، ومالوش علاقة بأي شيء بره؛ لأن كل واحد عنده مشكلة مع كابتن نادر هيطلعه في أحمد نادر، واللاعب ليس له علاقة بالأمر».