مصطفى أبو الدهب يكشف حقيقة «التفويت للزمالك»: «قالوا عليا بعت الماتش»

أخبار متعلقة

صراع بين الزمالك وبيراميدز على «هدف الأهلي» السابق

خليفة أوجستي بوش يصل القاهرة لتولي القيادة الفنية لسلة الزمالك

رئيس الرجاء ينفي مفاوضات الأهلي والزمالك مع بن مالانجو وسفيان رحيمي

الزمالك يهنئ الوداد بعد تتويجه بالدوري المغربي: «ديما وداد»

كشف مصطفى أبوالدهب، لاعب الأهلي والمصري البورسعيدي السابق، حقيقة التفويت لنادي الزمالك، بعدما فجر شقيقه محمود هذه القضية منذ أيام، مؤكدا أن الأبيض تحدث مع الأخير من أجل ذلك.

وقال «أبوالدهب» خلال ظهوره ببرنامج البريمو عبر قناة ten: «موسم 90 و91 الأهلي والزمالك والإسماعيلي كانوا بينافسوا على الدوري، وهي واقعة متتنسيش نهائيا ليا أنا، الإسماعيلي والأهلي تقريبا كانوا 52 والزمالك كان 53، والماتش ده كان الأسبوع قبل الأخير والمباراة الأخيرة الزمالك كان عنده البلاستيك وكان كسبان كسبان».

وأضاف اللاعب السابق: «الأهلي عنده ماتشين والإسماعيلي ماتش هيكسبوهم، والزمالك لو فاز علينا  قرب خلاص هياخد البطولة؛ لأن كان فرق بونط والقصة دارت في بورسعيد، كلام طول الأسبوع مش عارف اتمرن طول الأسبوع، والكلام كان الزمالك شاري الماتش من المصري، جابوا الكلام منين متعرفش، وأي إشاعة بتتقال وقتها البلد كلها كانت بتعرف، وكل يوم ننزل الشارع يقولنا يا كابتن النادي يا كابتن عيب وبيدور على النادي بتاعه».

مصطفى أبوالدهب: قالوا الزمالك شاري الماتش من المصري

وتابع مصطفى أبو الدهب: «الإشاعة كانت ماشية بطريقة غريبة، وكانت مآساتي أنا أكتر بسبب محمود بيلعب في الزمالك في هذا التوقيت، يوم الخميس متعود دايما ننزل شارع بورسعيد وبالفعل نزلنا أنا وأبوالدهب يوم الخميس نتمشى، وقلتله اقعد في العربية محدش يشوفك لأنك هتثبت عليا اللي بيتقال وأنا مينفعش أعمل كده لا البلد ولا تاريخي ولا اسمي ينفع يحصل كده».

                    محمود أبوالدهب وشقيقه مصطفى

وأردف: «المهم تاني يوم الماتش بنتغدى في مطعم في شارع ببورسعيد وبعدين هنروح النادي عشان الماتش كان الساعة 3 وكابتن محمد شاهين مدرب الفريق بينادي عليا بالاسم قال لي: أنا جالي تليفون الفجر وقالوا لي أنت كنت في القنطرة الفجر، قلتله خلاص ياكابتن متلعبنيش، وكان نفسي يقولي متلعبش عشان يشيل العبئ اللي عليا».

وأستطرد: «أول ما نزلنا المباراة تشجيع جنوني والجماهير صدقت إني بايع الماتش فعلا لأن الـ18 دقيقة الأولى أنا بلعب مع الزمالك بسبب إني مش شايف قدامي بسبب صوت الجماهير اللي ضدنا، وبعد ما جبت الهدف قلت أنا عايز أطلع مش عايز ألعب؛ لأني عملت اللي عليا خلاص، وكان كل تفكيري إني أطلع وعملنا ماتش كبير جدًا».

ورد محمود أبوالدهب عليه قائلًا: «أنت كان معروض عليك 10 آلاف عشان تفوت الماتش»، ليرد شقيقه: «معرفش أرقام لأنهم متكلموش في فلوس نهائي معايا، وأبوالدهب هو اللي اتكلم معايا وقتها».