شوقي السعيد
كشف شوقي السعيد، لاعب نادي الزمالك السابق، عن تشجيعه لكايزر تشيفز الجنوب أفريقي، في مباراته أمام النادي الأهلي في نهائي دوري أبطال أفريقيا، يوم السبت المقبل بدولة المغرب؛ إذ قال خلال ظهوره عبر قناة الحدث: «سأكون أسعد شخص في العالم في حال خسر الأهلي ولن أشجعه في دوري الأبطال نهائيًا».
وأضاف لاعب نادي الزمالك السابق: «أنا كنت أسعد واحد في الكون في كرة البدري، لاعب الترجي، أنا بكون أسعد واحد في العالم لما الأهلي يخسر، أنا مبشجعهوش لو بيلعب قدام مين، ده أنا اتفقت مع الراجل بتاع الفرن جايب كل الكايزر اللي عنده وعامل ساندوتشات ومستنيهم»، متابعا: «إن شاء الله الأهلي مش هيكسب أمام كايزر تشيفز بشجع أي فريق أفريقي ضد الأهلي، ولو اتغلب اللي تقولي عليه أعمله أي حد هيقولي أعمل أي حاجة هعملها هدبح دبيحة لو الأهلي خسر».
وأكد شوقي السعيد: «وطنية إيه هو مش منتخب مصر أنا مبحبش الأهلي يكسب نهائيا، مفيش حاجة اسمها روح رياضية في الحتة دي، لكن لا أتمنى نهائيًا الإصابة للاعب في الأهلي، لا طبعا نهائيًا لا أتمنى لهم الأذية».
وشدد «السعيد» على أنه «كنت حزينًا جدًا عندما أحرز محمد مجدي أفشة هدف الأهلي الثاني في نهائي دوري أبطال أفريقيا، كان من أسوأ أيام حياتي، وقطعت التيشرت من السعادة بعد تسجيل هدف التعادل للزمالك، وكنت هكسر الشاشة من الفرحة من جمال الجول».
واستطرد اللاعب: «وكنت بتفرج على الماتش مع صاحبي أهلاوي وبخبط في التلاجة، وقعد يقولي مكتوبة في القايمة، وكنت خايف وأنا مروح أعمل حاجة أو يحصلي حاجة من كتر الضغط العصبي».
الأهلي
واعتبر شوقي السعيد، أن «الأهلي لو بيلاعب الحظ هيكسب الحظ، والحظ اتذكر في القران إنك لذو حظ عظيم، والأهلي محظوظ جدا، ده بيخبط الكرة في العارضة ترجع للاعب ويحطها، الطبيعي الكرة تطلع بره»، لافتا إلى أن «هدف أبو تريكة في الصفاقسي كان حظ، فيه كرة تيجي كده في التوقيت ده، وهدف أفشة حظ في الزمالك، لكن هدف شيكابالا في الأهلي ده مش حظ ده حريف ومش أول مرة يعملها كده».
تعليقات الفيسبوك