محمد عبدالواحد
فتح محمد عبدالواحد، المدرب العام لفريق وادي دجلة، النار على إبراهيم نور الدين، حكم مباراة الأهلي ووادي دجلة،التي انتهت بفوز الأحمر بهدفين مقابل هدف وحيد، وقادت الأحمر لصدارة جدول ترتيب الدوري الممتاز.
وقال «عبدالواحد» خلال حديثه ببرنامج «الماتش» رفقة الإعلامي هاني حتحوت: «المنافسة على الهبوط صعبة جدا، الجميع عنده مباريات صعبة، وبالنسبة لنا المباريات المقبلة لقاءات كؤوس ومباريات الأندية الأخرى اللي بتنافسنا صعبة جدًا، ولابد من فوزنا في المباريات المقبلة.
وبسؤاله من قبل الناقد الرياضي أحمد جلال عن سبب غضبه من إبراهيم نور الدين، رد محمد عبدالواحد، قائلا: «زعلان من إبراهيم نور الدين؛ لأن ليا حق أزعل أنا عمري ما اتكلمت عن التحكيم ولا عمري اتطردت في مباراة، ومن سنين بشتغل في جهاز فني ولا عمري عملت أزمة، لكن لما أنا أكلمك كحكم وأقدرك أنت لازم تقدرني وتحترمني، لكن متوجهنيش بأسلوب فيه إهانة ليا، كأني شغال عندك، لا مع احترامي ليك أنت حكم زيك زي أي حكم، ولك كل التقدير، لكن احنا مشتكناش من شيء، وأهان الجهاز الفني كله، يبص من فوق لتحت، ويشاورلي بصباعه كأننا شغالين عنده».
وتابع: «أنا مش شغال عندك في شركتك الخاصة، لا يا حبيبي مع احترامي ليك أنا محمد عبدالواحد، لاعب منتخب مصر والزمالك، متجيش تشاورلي كده كأني نكرة».
إبراهيم نور الدين
وأكد المدرب العام لفريق وادي دجلة: «احنا نادي محترم وبنقدر الحكام، لكن تقلل مننا كأشخاص مش هنقبل بده، أنت حكم ليك تقديرك في الملعب وليك احترامك ومعندناش مشكلة معاك نهائيا، ومكنش نفس الكلام مع سيد عبدالحفيظ وعمل نفسه مش واخد باله وأداله ضهره».
ونجح الأهلي في الفوز على وادي دجلة بهدفين مقابل هدف وحيد في المباراة التي جمعت الفريقين على ملعب الأهلي وي السلام.
تعليقات الفيسبوك