فريال أشرف
أشاد شريف العريان، أمين عام اللجنة الأولمبية، بتحقيق اللاعب أحمد الجندي فضية الخماسي الحديث بالأولمبياد، واقتناص اللاعبة فريال أشرف ذهبية الكاراتيه، قائلا: إنّ «الجندي» أول لاعب مصري يحرز ميدالية بالخماسي الحديث على مستوى الكبار، ثم لحقت به «فريال» بالذهبية، ما أدى لصعود ترتيب مصر في جدول الميداليات ليصل للمركز لـ53، من أصل 206 دول مشاركة، وهو ترتيب يليق بمصر.
وأضاف «العريان»، خلال اتصال هاتفي ببرنامج «اليوم»، المذاع على شاشة قناة «dmc»، اليوم السبت، أنّ البعثة المصرية حققت أكبر كم من الميداليات حازته مصر في تاريخها، «كنا نقول قبل كدة أكبر رقم 5 ميداليات حققناها 3 مرات أو 4 مرات على مدار الأولمبياد كلها، آخرها كان 2004 بذهبية وفضية و3 برونز، المرادي بنكسر هذا الرقم بذهبية وفضية و4 برونز، وهو إنجاز تاريخي لمصر وفخورين بكل لاعبينا».
وتابع: «أهم حاجة في هذه الدورة بالنسبة لمصر، إننا لا نضع لاعبينا تحت ضغوط نفسية زيادة ملهاش لازمة، لازم نُثني عليهم ونقف جنبهم، من أول يوم قولناكم هنجيب ميداليات، وهنافس فين ومتى وأيه المتوقع اللي احنا هنجيبه، الدنيا كانت واضحة».
وواصل: «اللاعبين كانوا يتابعوا الأخبار على السوشيال ميديا، ومنقدرش نمنعهم، ومفيش مشكلة عندنا في النقد، لكن لازم الناس تتقبل، واللي يبذل جهد نقوله برافو، الأسماء اللي قولناها هي اللي جات منها الميداليات، وعمر المجهود ما بيضيع هباء في أي مجال، والحمد لله كنا موفقين، وترتيبنا حسب عدد الميداليات في الجدول حاجة وتلاتين على العالم، لكن في الأولمبياد تُحسب الميداليات الذهب».
المصري البورسعيدي
0
:
0
04:00 PM
الدوري المصري
إنبي
المقاولون العرب
1
:
1
07:00 PM
الدوري المصري
فاركو
زد
0
:
0
07:00 PM
الدوري المصري
الاتحاد السكندري
تعليقات الفيسبوك