محمود عبد الرازق شيكابالا
كشف اللاعب محمود عبد الرازق شيكابالا، لاعب نادي الزمالك، كواليس الأزمة التي حدثت قبل مباراة البنك الأهلي والزمالك، التي توج الزمالك خلالها بدرع الدوري، قائلا: «اتحركنا في الفندق اللي قاعدين فيه، كان معانا باص صغير للعائلات بتاعتنا، الأمن بتاع الاستاد مكنش عاوز يدخلوا الأتوبيس بتاع أهالي اللعيبة»، موضحًا أنه تحدث مع المسؤولين عن أمن الاستاد وذكر لهم أنهم جاءوا من أماكن بعيدة لحضور الاحتفال بالدوري.
وأضاف «شيكابالا»، خلال تصريحات تليفزيونية، أنه دعا زملاءه للذهاب إلى الاستاد وتركه من أجل الاستعداد للمباراة، «أنا كنت هنزل في الشوط التاني، وقعدت أنا أتكلم مع الناس برة، وقفت في الشارع ساعة ونصف عشان أهالي اللاعبين يدخلوا، وكنت أنا آخر واحد داخل الملعب عشان أدخل الناس»، موضحًا أنه حال وجود مسؤول يقوم بهذا الأمر لم يكن يفعل ذلك أو يتطوع لحل الأزمة.
وتابع محمود عبد الرازق شيكابالا: «ينفع تشوف المدرب بتاعك بيدمع، وهو أحمد عبد المقصود، عشان مراته وابنه في الأتوبيس وعاوزين يخشوا، والدكتور بتاع الجهاز الفني بنته عندها 9 شهور، واتخنقت في الباص، وبرضو مش عاوزينهم يدخلوا الاستاد بدون مبررات، الونش باباه عمره ما دخل الاستاد قبل كدة، فرحان بابنه وجاي من الشرقية ومدخلش، وأول مرة يخش استاد في حياته، يوسف أوباما إخواته جايين من الإسكندرية مدخلوش».
وواصل: «بكلم الأمن المسؤول عن الاستاد، محدش بيقولك رد، لما يخش الاستاد قبل الماتش بـ 10 دقائق، بعد الماتش وإحنا في الدقيقة 70 حميد أحداد خرج جاب مراته بلبس الكورة من الشارع، فيه ناس فتحنا الحديد عشان يخشوا، دول ولاد صغيرين، في كل العالم وفي الدوري المصري بيحصل أن الأهالي بتروح عشان تحتفل، بعد ما الحكم صفر والماتش انتهى شوفنا قرارات غريبة، حسينا أن المسؤولين عن الكورة بيقولوا هندوس عليكم، إنت هتتوقف وإنت هتتوقف وإنت هتتعاقب، حسينا إننا مش هنكسب تاني».
فاركو
-
:
-
04:00 PM
الدوري المصري
الإسماعيلي
الداخلية
-
:
-
07:00 PM
الدوري المصري
سيراميكا كليوباترا
الأهلي
-
:
-
07:00 PM
الدوري المصري
الجونة
تعليقات الفيسبوك