ميدو وشيكابالا
قال محمود عبدالرازق شيكابالا، كابتن الفريق الأول لكرة القدم بنادي الزمالك، إنه ليس غاضبا من أحمد حسام «ميدو»، «هو طلع قال حاجة معجبتنيش ورديت بنفس الأسلوب بس أنا وميدو أخوات واتكلمنا واتصالحنا لأنه عشرة عمر هو (بيتنرفز وأنا بتنرفز)، ولكن أحنا مجانين عادي ميدو أخويا الكبير».
محمود شيكابالا كابتن الفريق الأول لكرة القدم بنادي الزمالك
وأضاف شيكابالا، في تصريحات تلفزيونية عبر شاشة mbc مصر: «لما كتر الكلام عن زيزو وهيمشي وهيروح وهييجي لقيته جاي يخبط عليا في أوضتي في المعسكر، وقالي أطلع قول للناس أنا قاعد ومش همشي وقولت فعلاً كدا وفي النهاية زيزو جدد، اللي بيدخل الزمالك بيحبه أكتر».
محمود شيكابالا كابتن الفريق الأول لكرة القدم بنادي الزمالك
وأكمل شيكابالا: «الزمالك كبير وجمهوره كبير أحنا 4 إدارات، اتغيرت علينا وأنا ككابتن للنادي باخد الكلام من رئيس نادي، وبعد يومين يمشي بيبقى شكلي، أنا اللي وحش لأن أي لعيب عنده مشكلة بيجيلي أنا وكل ما الإدارة تمشي الوعود اللي خدوها بتروح معاهم».
وأردف شيكابالا: «أحنا عندنا مشاكل مالية وإدارية حتى لبس الفريق فيه مشكلة الناس بتسأل ليه الفرق في البطولات بين الأهلي والزمالك؟، شوفوا الفرق بين مشاكلنا ومشاكلهم هما معندهمش أي مشاكل».
وأشار كابتن الزمالك: «الجهاز الطبي بتاعنا لحد دلوقت مخدش مكافآة الكونفدرالية، والأهلي وبيراميدز كانوا عاوزينه، هما قعدوا ليه في المشاكل دي؟ عشان زملكاوية».
تعليقات الفيسبوك