شيكابالا: لو الأندية بتفوتلنا كان زمان الزمالك 42 دوري والأهلي 13
12:54 ص | الأحد 05 سبتمبر 2021
شيكابالا
رد محمود عبدالرازق شيكابالا، قائد فريق الزمالك، لأول مرة على من يروج بأن هناك أندية «تفوت» المباريات لنادي الزمالك خلال الدوري، من أجل حصول الفارس الأبيض على اللقب.
وقال شيكابالا خلال تصريحات تلفزيونية: «من يتحدث عن التفويت لنادي الزمالك الأولى لو ده بيحصل فعلا كانت بطولات الزمالك 42 دوري والأهلي 13 بطولة فقط».
وتحدث شيكابالا عن سهولة استفزازه من قبل الجماهير قائلًا: «أنا سهل الاستفزاز في حقي فقط، كل ماتش بروحوا بيحصل نفس الحاجة، عملت كده عشان فيه حاجات حصلت من 20 سنة، أنا بس اللي بتوقف، والناحية التانية مفيش حاجة خالص، حصلت حاجات عنصرية ضدي وضد ابني وزوجتي كمان، انتوا اللي بتبدأوا الغلط وبعد كده تقولوا شيكا هو اللي بيرد، الناس بتقول طيب اللاعبين في أوروبا بتستحمل إزاي؟ هل فيه ناس بتروح للاعب أوروبي المقابر أو بيجيبوا كلب أسود؟، وأنا هسكت لما المسؤولين عن الكرة في مصر يجيبولي حقي».
وتحدث شيكابالا عن أزمته مع أحمد حسام ميدو، حيث أكد أنه غير غاضب من ميدو، ولكن رد عليه بنفس أسلوبه، مشيرًا إلى أنه حدث تصالح بينهما، ولم تطل أزمتهما نهائيًا، مؤكدًا على أنه لا يوجد خلاف في الوقت الحالي بينه وبين ميدو نهائيًا.
وأكد شيكابالا بأنه في حال استمرت عقوبته من قبل اللجنة الثلاثية لاتحاد الكرة سيلجأ للاتحاد الدولي لكرة القدم «فيفا»، مشيرًا إلى أنه في حال لجأ للفيفا خلال الأزمات الماضية لحصل على حقه.
ودخل شيكابالا في نوبة من البكاء على الهواء بعد تقرير جماهير نادي الزمالك وحديثهم المؤثر عنه، وظل يبكي لفترة طويلة.
تعليقات الفيسبوك