مصطفى محمد
تحدث سيد معوض المدرب المساعد السابق لمنتخب مصر، عن واقعة مصطفى محمد مهاجم جالطة سراي التركي في مباراة الجابون، وصرح خلال استضافته في برنامج الماتش الذي يقدمه الإعلامي هاني حتحوت عبر شاشة صدى البلد: «لحد ما مباراة الجابون خلصت مكوناش شوفنا حاجة في الملعب، الإنترنت كان سيء، وفي المطار شوفت الفيديو عن طريق حد معانا».
وتابع: «اتضايقت جدًا من الموقف، مصطفى محمد لاعب كويس، وأنا من أكتر الناس بتواصل معاها، مصطفى أخد الفرصة قبل محمد شريف».
وأضاف: «اللي شوفته في المطار خلاني لا أراعي موقف مصطفى محمد بعدم إتمام انتقاله للدوري الفرنسي، مكنش فيه فرصة أننا نتجمع كجهاز فني، أحنا رجعنا مصر مباشرًة وكله روح على بيته وبعد كده تمت إقالتنا».
وواصل: «محصلش اجتماع أصلا علشان نقدم شكوى أو مذكرة ضد مصطفى محمد، لو كان فيه تجمع تاني، عمري ما هكتب اسم مصطفى محمد في أي تجمع، وكنت أرفض تواجده حتى يصدر منه اعتذار».
سيد معوض
وأردف: «أول ما ربنا يكرمك بحاجة لازم تتواضع أكتر، لما تجيب جول لازم تحمد ربنا أنك جبت جول، مش تعمل موقف زي ده».
واستكمل: «البدري عنف مصطفى محمد خلال وجوده على الدكة بالفعل، ولكن هو وقف معاه وخلاه يكمل بعد تأخره عن المعسكر».
وأوضح: «كان سهل جدًا الجهاز الفني يبيع مصطفى محمد قدام الناس، ويطلع في المؤتمر الصحفي يبقى بطل على حسابه ويقول إنه تأخر عن المعسكر ويقرر يستبعده».
بيراميدز
-
:
-
07:00 PM
الدوري المصري
مودرن فيوتشر
طلائع الجيش
-
:
-
07:00 PM
الدوري المصري
المصري البورسعيدي
تعليقات الفيسبوك