سيد معوض عن أزمة مصطفى محمد: كان سهل نخلص عليه.. ولازم يبقى عبرة لغيره
02:09 ص | الإثنين 27 سبتمبر 2021
مصطفى محمد
تحدث سيد معوض المدرب المساعد السابق لمنتخب مصر، عن تأخر حضور مصطفى محمد لمعسكر منتخب مصر الأخير، حيث صرح خلال استضافته في برنامج «الماتش»، الذي يقدمه الإعلامي هاني حتحوت عبر شاشة صدى البلد: «المعسكر ده له ظروف خاصة، بعد ما بعتنا أسامي المحترفين كان فيه 2 لعيبة، كوكا ومصطفى محمد، عندهم عروض من أندية تانية».
وتابع «مصطفى محمد كان وضعه أصعب شوية من كوكا، علشان القيد في فرنسا هيقفل بدري عن تركيا».
وواصل: «كوكا قال إنه هيتأخر علشان العروض، لكن مصطفى محمد مقالش، غاب يوم والتاني، واكتشفنا أنه في فرنسا بيعمل الكشف الطبي، وبكده تأكد غيابه عن المباراة الأولى».
وأضاف: «مصطفى وصل يوم المباراة، لو أنا كجهاز فني عاوز أخلص عليك هطلع اتكلم وأخرجك من المعسكر، ده ماتش كأس عالم، لو عاوز أخلص عليه كان سهل، ده قميص منتخب مصر وحلم لأي حد وشرف لأي حد يكون موجود».
وواصل سيد معوض: «مصطفى اتمرن تاني يوم الصبح، رحنا الجابون لعب معانا، اللي حصل بعد الجول السؤال هو عمله ليه؟».
واستمر في تصريحاته: «الجهاز الفني عمل جميل معاك ومتمش استبعادك والأمور عدت، مفيش حاجة في المنتخب اسمها حجز أماكن، هو ومحمد شريف بيتنافسوا على المركز، وهو كان بقاله 4 أو 5 ايام مش بيتمرن، ومحمد شريف بيسجل مع المنتخب، أنت عاوز تيجي متأخر وتيجي تلعب أساسي كمان؟».
جهاز المنتخب السابق
وأردف: «كوكا اللي اتأخر يوم وجه متكلمش ومفيش صوت، ممكن تبقى عايش في دور أنا عديت المرحلة دي، لكن تشوف واحد من أفضل 3 لعيبة في العالم، وهو محمد صلاح مش بتسمع صوته سواء قبل ما يكون الكابتن أو بعدها».
سيد معوض: مصطفى محمد افتكرني ضعيف
وأوضح سيد معوض: «مصطفى محمد أنا عديتله موقف المعسكر وافتكر أن أنا ضعيف»، مشددا: «لما معاقبتوش هو افتكر أني ضعيف، مفيش لاعب كورة بيجي من السفر علشان يلعب في نفس اليوم ولا تاني يوم، لكن أنا أخدت قرار من باب تربيتي وذوقي».
واستكمل: «أي لاعب كل ما يكبر واسمه يكبر وخطوته تكون أكبر، لازم يكون متواضع أكتر، لازم يكون فيه قرار عبرة للي جاي بعد كده».
وأتم: «كلنا وأحنا لعيبة كورة عملنا مواقف غلط لكن لما بتعرف أن الموقف غلط بتعتذر، وبعدها يحلها ربنا».
تعليقات الفيسبوك