حسام وإبراهيم حسن
رد إبراهيم حسن لأول مرة، على عدم اختيار شقيقه حسام حسن، لتدريب منتخب مصر، خاصة بعدما تم ترشيحه قبل اختيار حسام البدري لقيادة المنتخب الوطني، وكذلك قبل اختيار البرتغالي كارلوس كيروش، عقب رحيل البدري عن المنتخب.
وقال إبراهيم حسن خلال ظهوره ببرنامج «ملعب أون تايم»، رفقة الإعلامي سيف زاهر: «اللي بيقول هنختار حسام حسن عشان حماسه وهي مش حماس وبس ينطبق عليهم مثل (حبيبك يبلعلك الزلط.. وعدوك يتمنالك الغلط)، العدو دائما يقول إن حسام إنسان كويس بس، اللي بيقول بس ده جواه سواد، كل مرة نجيب واحد من آخر الدنيا يكون مهاجر، سواء مصري أو أجنبي، ونجيب واحد يكون مبطل ومبيشتغلش، مكنتش عايز افتح واتكلم في الموضوع ده، أنت بتتكلم عن حسام حسن أسطورة كلاعب وكمدرب، الكاره ده عنده خوف من وجود حسام حسن كمدير فني، وخايف من نجاحه كمان، حتى اللي ماسك المنظومة خايف من نجاح حسام حسن».
وتابع: «اللي عنده نقص هيقولوا لو حسام حسن نجح هيقولوا حسام من نجح فقط، وليس المنظومة ككل، مثلما حدث مع الجوهري حينما كانوا يتغنوا به فهناك خوف من سيطرة حسام ويقولوا إنه ناجح، ولكن النجاح هيكون ليك أنت في حال تم اختيار حسام ونجح».
وأكمل: «حسام بتاريخه وإمكانياته وفنياته يقدر يعمل منتخب، ويكون عناصر تبني منتخب جديد، بتكلم بحق مش عشان أخويا بمنحه حقه وعنده ضمير، وبنشتغل أنا وحسام وإحنا حاطين رجل على رجل، والناس هي اللي طلباك أنت، لما تتعاقد مع حسام حسن وتذهب لبلاد مثل غانا أو جنوب أفريقيا، البلد هناك والجماهير واللاعبين داخلين خايفين من اسم حسام حسن كاسم كبير، دائما بيقولوا أصل إبراهيم حسن معاه هل انتوا عارفين مين إبراهيم حسن؟».
وبسؤاله عن إمكانية تدريب المنتخب الأولمبي رد إبراهيم حسن قائلًا: «لن نوافق نهائيا على تدريب المنتخب الأولمبي لأننا عدينا المكانة دي بمراحل نرفض تمام هذا الأمر».
تعليقات الفيسبوك