أسامة نبيه المدرب العام لفريق الزمالك
أشاد أسامة نبيه المدرب العام لنادي الزمالك، والذي قاد الفريق خلال مواجهة الجونة اليوم، بأداء لاعبي الفريق الأبيض في اللقاء، موضحاً سبب استمرار غياب طارق حامد عن صفوف الفريق الأبيض، ومتطرقاً للحديث عن مشاركة الظهير الأيمن التونسي حمزة المثلوثي على حساب حازم إمام، ومؤكداً أنه نصح إمام عاشور بالتسديد على المرمى نظراً لإجادته في ذلك.
وقال أسامة نبيه في المؤتمر الصحفي عقب مواجهة الجونة: «بحمد ربنا على النتيجة والأداء خصوصًا الشوط الأول، البداية مكناش كويسين في أول 5 دقايق ولكن قدرنا نمسك كرة ونسجل هدفين، مش عارف إيه سبب التراجع بعد الهدف الثاني وده هشوفه مع اللاعيبة، هدف الجونة في نهاية الشوط الأول رجع لهم الأمل والطموح في التعادل، لكن روح اللاعيبة والإصرار على المكسب كان لها دور كبير زي ما حصل في ماتش فيوتشر».
وأضاف: «حتى لو الكرة مش هتبقى ماشية معانا بس عايز أقول للجمهور إن القتال هيعوض ده وده لمسته في عيون اللاعيبة من الماتش اللي فات، ومستمر في ماتش الوداد، ورسالتي للاعيبة إننا هندي كل لاعب حقه، ومنهم روقا مثلا كان بعيد تماما يعني، لكن طارق حامد غايب بسبب الإصابة ودوري اوجد بديل لطارق».
أسامة نبيه المدرب العام لفريق الزمالك
وتابع: «كان في كواليس وتفاصيل كتير بيني وبين اللاعيبة بس أكيد لما ربنا يكرمك في الوقت القاتل يبقى أنت عملت حاجة صح، الناس الماتش اللي فات انتقدتني واتكلمت على إني ليه لعبت بحمزة المثلوثي النهاردة قدم مباراة جيدة، وعمري ما هدوس على لاعب وهقف جنب كل لاعب، عشان محتاج اللاعيبة دي مكملة لنهاية الموسم».
وأكمل: «طارق حامد نزل وحدتين تمرين ولكن قالي انا لسة مش جاهز 100%، ومش هنزله الا لو كان جاهز بشكل كامل».
طارق حامد
وواصل: «ممكن يكون عندنا قصور في الكرات العرضية ولكن نفذنا شكل كويس هجومي حازم لم يبدأ المباراة لاني محتاجه برضو في ماتش الوداد وغصب عني هيحصل روتيشن سواء إيقاف او إصابة لازم ادي اللاعب ثقته في نفسه وإمام عاشور من اللاعيبة المميزة في التسديد واتكلمت معاه في ضرورة التسديد».
وأتم حديثه قائلاً: «لدينا الكثير لنقدمه ولكن الوقت ضيق، الثقة مفقودة بقالها فترة والمرحلة دي هي مرحلة إعادة الثقة للاعيبة وده حصل في مباراتين الدوري وكنت عايز أوصل رسالة للجمهور أن الفريق عائد مرة تانية».
تعليقات الفيسبوك