فيريرا
أعرب البرتغالي جوسفالدو فيريرا المدير الفني لفريق الزمالك عن غضبه من الخسارة أمام الوداد واقتراب الأبيض من توديع دوري أبطال إفريقيا.
وقال فيريرا خلال المؤتمر الصحفي للمباراة: «مع الأسف الزمالك كده تقريبا برة البطولة عندنا مباراتين حتى لو كسبنا صعب أن بترو ميحصلش على أي نقاط.. موقف أكيد مش مرضي للنادي ولا الجماهير.. الزمالك لم يخسر إفريقيا اليوم بل خسر من قبل كده».
وتابع: «لا أعرف أساس المشكلة ولكن اللي شوفته إن اللاعيبة كانت خارج الماتش من الشوط الثاني والشوط الأول كنا أفضل ومنظمين، وهدف مبكر للوداد في الشوط الثاني والفريق تفكك ده معناه إن في مشكلة».
وأردف: «أنا بقالي 3 أيام معنديش وقت ولا مقدرة إني ألم الأمور دي كلها في الوقت ده.. عارف إن في لاعيبة كتير عندها إمكانيات فنية مميزة عشان كده هبص بس للأمور الفنية وهساعد الإدارة على حل أي مشكلة غير فنية».
وأوضح: «آخر مباراة أمام الجونة اللي شوفتها حصل نفس الأمر الشوط الأول كان شيء والتاني شيء تاني والأمور خرجت عن السيطرة بعد ربع ساعة قوية للفريق سجل فيها هدفين».
وأكمل: «لازم نحل المشاكل والجميع يتكاتف على ذلك عشان عندنا لسه دوري وكأس نكسبهم وكمان نلعب إفريقيا السنة اللي جاية، وماتش بترو القادم له وجهين الأول إن مفيش ضغوط خلاص يقدروا يلعبوا بشكل جيد وممكن أداء سيئ وده هيؤكد أن في مشكلة تانية».
واستطرد: «كل اللاعبين سواسية سواء كان مستواه جيد قبل كده أو عنده عروض من أندية أخرى، الفيصل بالنسبالي هو التمرين، وخرجت زيزو عشان كنت محتاج أنشط شوية ومحتاج للاعب يلعب بعنف شوية.. أنا أعرف زيزو منذ كان في البرتغال.. أعرف كيف يحب جمهور الزمالك ويسعى دائما لتحقيق البطولة».
واختتم حديثه: «طريقة اللعب للمدرب يطبقها اللاعبين هم اللي ينجحوا أي طريقة.. شوفت تقارير لمباريات سابقة الفريق كان بيلعب بنصه دفاع والباقي هجوم ولكن مفيش خط وسط ثابت والشكل ده مخلهوش أول دوري».
تعليقات الفيسبوك