أمير عزمي مجاهد
كشف أمير عزمي مجاهد، مدرب الزمالك المساعد السابق كواليس التعامل مع الفرنسي باتريس كارتيرون، المدير الفني السابق للنادي الأيبض، وتفاصيل أول جلسة مع مدرب الزمالك الفرنسي السابق.
وقال أمير عزمي في تصريحات لبرنامج «الماتش» الذي يقدمه الإعلامي هاني حتحوت عبر شاشة «صدى البلد»: «اوقات كان كارتيرون ذكي في التعامل مع اللاعبين وأوقات لا».
وتابع «أنا مش بحب أتكلم عن مدير فني اتعاملت معاه، البعض كان بيسأل ليه مش بنتدخل في القرارات الفنية، انا في منصب مدرب مش مدير فني».
وأضاف: «ممكن تقوله اقتراح لكن لو هو لم ينفذ ده هتعمل ايه؟ في أوقات كنت بقول وجهة نظري ولكن كان له وجهات نظر تانية وأنا مش مقتنع بيها لكن هو صاحب القرار».
وواصل أمير: «مش كتير إنه كان لينا أراء فنية وينفذها، لما قعدت معاه اول مرة، قولتله أنا عملت مع مدير فني كبير كريستيان جروس، وهو كان عارف ده، قولتله أنا جاي أساعد وأنجحك مش جاي أضايقك، كارتيرون وقتها أكد إن الكلام اللي بيتقال إنه رافض مدربين مساعدين غير صحيح».
باتريس كارتيرون
كما يرى أمير عزمي مجاهد أن الفريق في حاجة لإبرام 9 صفقات جديدة على الأقل لتدعيم الفريق.
واستكمل: «عندنا أزمة كبيرة في نادي الزمالك في مركز 6 ومركز 8، ومع وجود بعض اللعيبة مش هقول ميلعبوش في الزمالك، بس في لعيبة ممكن تكسر الدنيا في أي نادي لكن في الأهلي والزمالك الموضوع مختلف».
وكشف: «الزمالك محتاج تدعيم كبير جدًا، الفريق محتاج مش أقل من 9 صفقات في الانتقالات القادمة».
واسترسل أمير: «لازم يكون في فئات في العقود، لازم يكون في 3 فئات، فئة دولية وفئة لاعب كويس لكن مش دولي، وفئة أقل حاجة».
وزاد: «لازم يكون في سقف رواتب في الفريق، لو أنا حاطط أعلى عقد بمبلغ وإنت ميسي هتيجي تاخد أعلى عقد عندي مش هزود عليه».
وأوضح: «ثنائية فرجاني ساسي مع طارق حامد هي سبب 50% من قوة نادي الزمالك في الموسم الماضي، ومع غياب طارق حامد للإصابة وفرجاني ساسي طبيعي مستوى الزمالك يقل في الموسم الحالي».
وأتم: «فرجاني ساسي رجوعه مهم للفريق، البعض متضايق من انه رحل، الموضوع عرض وطلب، لو في فرصة انه يرجع ياريت يرجع ولكن مع تطبيق سقف رواتب».
ليفربول
-
:
-
06:30 PM
الدوري الإنجليزي
توتنهام
سموحة
-
:
-
07:00 PM
الدوري المصري
الزمالك
تعليقات الفيسبوك