حلمي طولان
أعرب حلمي طولان، المدير الفني لنادي إنبي، عن سعادته بانتصار فريقه على النادي الزمالك، بنتيجة 2-1، في اللقاء الذي جمعهما، مساء يوم الثلاثاء، على ستاد القاهرة الدولي، في إطار مباريات الجولة الـ18 من بطولة الدوري المصري الممتاز.
وقال حلمي طولان، خلال المؤتمر الصحفي الذي أعقب اللقاء: «مفيش شك إني بلاعب الزمالك أفضل فريق كرة في مصر بالعناصر اللي بيضمها.. كوني بفوز على الزمالك رغم الظروف فدي حاجة كويسة.. بشكر لاعيبتي والجهاز الفني والإداري اللي بيقوموا بعملهم رغم الظروف الصعبة وبعض المواقف اللي بنمر بيها والمشاكل اللي بنعاني منها».
وأضاف المدير الفني لنادي إنبي،: «لسه المشوار طويل على الدوري، وأتمنى نجاح الزمالك في حصد بطولة الدوري، خاصة وأنها بطولة النفس الطويل.. وإن شاء الله الزمالك قادر على الفوز بالدوري.. حققت الفوز وفقا لما نقوم به ف بالتدريب زي كرة الهدف الثاني .. كنا نستحق الفوز فعلا النهاردة وبعتذر لجماهير الزمالك لاني ابن له ولكن ده شغلي وأكل عيشي».
الزمالك وإنبي
وعن موقف النيجيري إيبوكا من الاستمرار مع إنبي، تابع: «بعد نهاية الموسم هنشوف موقف ايبوكا والإدارة هي اللي هتحدد موقفه هما اصحاب القرار.. دائما الفرق الكبيرة مواجهات خاصة وكل اللاعيبة بتبقى مركزة في ماتشات الزمالك والأهلي لأنها بتبقى سبب في انتقالهم لاندية القمة بشفق على لاعيبتي في ماتشات الفرق الكبيرة».
وواصل: «سلاحنا برغم أننا فرقة في وسط الدوري بس عندنا النهاردة 7 ناشئين مفيش نادي بيعمل كدة.. في تعليمات لكل التفاصيل والزمالك فعلا يمتاز بالتوصيل وعشان كدة نبهت على لاعيبتي بالضغط على لاعبي الوسط وعدم منحهم حرية التصويب».
وأتم: «اعتمدت على الضغط على لاعبي الزمالك من قدام من مدافعي الفريق الونش ومحمود علاء يمكن تراجعت شوية في الشوط الثاني بعد الهدف الثاني تحديدا بسبب ضغط الزمالك بشكل كبير .. مفيش حاجة بنسيبها للظروف وعاملين حساب كل تفصيلة».
زد
-
:
-
07:00 PM
الدوري المصري
المقاولون العرب
الاتحاد السكندري
-
:
-
07:00 PM
الدوري المصري
بلدية المحلة
تعليقات الفيسبوك