هشام يكن يتحدث عن تراجع الكرة المصرية: كفاية نفس الوشوش
09:24 ص | الإثنين 13 يونيو 2022
هشام يكن نجم الزمالك الزمالك
تحدث هشام يكن، نجم الزمالك والمنتخب الوطني السابق، عن أسباب تراجع الكرة المصرية، مشددا على أن هزيمة الفراعنة من إثيوبيا بهدفين دون رد، ضمن منافسات الجولة الثانية للتصفيات المؤهلة لبطولة أمم أفريقيا 2023 في كوت ديفوار، كشفت مساوئ الكرة المصرية.
هشام يكن ينتقد عشوائية اتحاد الكرة
وقال هشام يكن خلال مداخلة هاتفية لبرنامج «كيك أوف»، الذي يقدمه الإعلامي أحمد خيري، عبر راديو أون سبورت أف أم: «مباراة إثيوبيا أثبتت أننا مش بنجهز لأي حاجة ولا للوصول لكأس العالم.. زمان كنا عارفين قيمة فانلة منتخب مصر وكنا بنموت نفسنا عشان خاطر مصر والجمهور اللي ساندنا واللي عمل أسامينا».
وأضاف نجم الزمالك السابق: «منتخبنا بقى بيفقد بطولات، كل واحد بقي بييجي يشتغل لصالحه مش لصالح منتخب مصر، الدوري بتاعنا نصه ما تلعبش والدوريات كلها خلصت، مفيش حد في العالم بيلعب كاسين في موسم واحد وكل ده وصلنا للنتيجة دي».
مصر وإثيوبيا
وشدد هشام يكن على أن «الدوري المصري لا يفرز أي مدربين أو لاعبين، مفيش غير الأهلي والزمالك اللي بياخدوا البطولة.. كنا زمان وحوش عشان نعمل لنفسنا أسامي، عشان كان بيطلعلك مبلغ صغير تستزق، اللاعب دلوقتي بيشبع قبل مابيوصل أو يحقق أي شيء».
وتابع «يكن»: «اتحاد الكرة بيختار بناء على إيه.. وفي ثانية بنغير قرارات.. بتختار أشخاص لهم مصالح معينة.. الوكلاء بيتحكموا دلوقتي في الاندية وفي اختيارات المدربين، التغيير مطلوب، كفاية نفس الوشوش بقالها 30 سنة في اتحاد الكرة.. إزاي يشتغلوا عمل تطوعي وفي نفس الوقت بيشغلوا مناصب تانية.. شغل ناس عايزة تشتغل وتتطور».
جمال علام رئيس اتحاد الكرة
هشام يكن يوجه رسالة لإيهاب جلال
واختتم اللاعب السابق حديثه، قائلا: «رسالتي لإيهاب جلال.. لاعبون دخلوا المنتخبات بناء على المصالح والوكلاء.. لو الأمور الشخصية والمصالح تتشال كان ممكن إيهاب ينجح، لكن الظروف اللي حوليه أدت لظهوره بالمظهر ده.. ارجع ركز في شغلك وشوف هتروح فريق فين، وكان الله في عونه بعد ما ساب ناديه، أخد قرار مكانش في وقته لأنه مكسبش الخبرات الدولية؛ لأن عنده لاعيبه كبارة زي صلاح، ولازم من مدرب كبير يروضهم بشخصية معينة».
تعليقات الفيسبوك