ميدو للمطالبين برحيل اتحاد الكرة: بتسلموا رقبتكم لـ أبوريدة ومجاهد
12:00 ص | الأربعاء 15 يونيو 2022
أحمد حسام ميدو
رفض أحمد حسام ميدو لاعب ومدرب الزمالك السابق، ما يتردد حاليا من مطالبات باستقالة اتحاد الكرة المصري لكرة القدم، في ظل راجع مستوى منتخب مصر الأول بقيادة إيهاب جلال.
وقال ميدو في تصريحات عبر برنامج «الريمونتادا» على قناة «المحور»: «من يتحدثون عن استقالة اتحاد الكرة المصري لا يعلمون أبعاد هذا القرار، وهناك من حارب ليجعل أي مسؤول يدير الكرة المصرية فاشلا، وذلك بسبب فشلهم السابق».
وأضاف: «استقالة اتحاد الكرة الحالي، ستؤدي إلى تعيين لجنة مؤقتة من جانب (فيفا) لإدارة الكرة المصرية، واللجان المؤقتة يجري تعيينها للدول غير القادرة على إدارة شؤونها الرياضية».
وواصل ميدو: «إحنا ما صدقنا خلصنا من اللجان المعينة، هنرجعلها تاني؟، هل احنا حمل ده؟ في ناس عايزة تفضل تتحكم في الكرة المصرية، والناس دي مشيت خلاص لكن لسه ليهم دروعهم الإعلامية اللي بيحاربوا أي حد في الكرسي حاليا».
ميدو: «هترجعوا تعيطوا لو مجلس الجبلاية الحالي مشي»
واختتم ميدو: «ما صدقنا عملنا انتخابات وفي جمعية عمومية اختارت، والناس اللي بتطالب باستقالة اتحاد الكرة هل انتو عارفين أبعاد القرار؟، هل انتوا فاكرين إن محمود طاهر هييجي مثلا ووجوه جديدة هتيجي تدير الكرة المصرية؟ لا ده مش هيحصل؟ إنتو بتسلموا رقبتكوا لـ هاني أبوريدة وأحمد مجاهد تاني، وهما دول اللي هيعينوا ناس تبعهم، وهنرجع تاني لنفس الأسماء، الفكرة دي فكرة فاشلة، وهترجعوا تعيطوا وافتكروا إن الأهلي لعب كأس العالم للأندية من غير الدوليين بسبب فشل لجنة مجاهد في الإدارة».
تعليقات الفيسبوك