حازم إمام
علق حازم إمام عضو مجلس اتحاد الكرة المصري على ما حدث من نتائج وقرارات من قبل الاتحاد خلال الفترة الماضية منذ اختيارهم من أجل تحديد مستقبل الكرة المصرية.
وقال حازم إمام في المؤتمر الصحفي للجبلاية: «لا نعفي أنفسنا من الأخطاء، بكل تأكيد نشكر وزير الرياضة كنا قاعدين معاه دعمه للكرة بشكل عام ودعمه للمشروع اللي بنعمله بقالنا 4 شهور فقط».
وأضاف حازم إمام: «عندنا أخطاء وهذا واضح من النتائج بتاعتنا والناس كلها بتغلط المهم نعمل ايه بعد الغلط مفيش حد بيكسب على طول ولا بيخسر على طول المهم نعدل من القرارات».
وتابع: «اتكلمنا مع الدكتور أشرف صبحي وزير الشباب والرياضة في اللي هنعمله الفترة اللي جاية وكان فكرته المهم هنعالج ازاي الخطأ والنتائج اللي فات ومحدش يقصد الخطأ، ومقدرين الغضب الجماهيري الكبير، منتخب مصر كبير جدا وناس بتعرض نفسها علينا بنقدم الشكر لكابتن إيهاب جلال».
وكان اتحاد الكرة قد أعلن إقالة إيهاب جلال بعد 3 مباريات فقط مع منتخب مصر، بدأها من الفوز على غينيا بهدف نظيف في الجولة الأولى من تصفيات أمم أفريقيا 2023، ثم الخسارة بهدفين نظيفين أمام إثيوبيا في الجولة الثانية، قبل السقوط وديًا أمام كوريا الجنوبية برباعية مقابل هدف، وهو ما تسبب في زيادة الغضب ضد إيهاب جلال وقتها.
تعليقات الفيسبوك