طارق سليمان مدرب حراس مرمى المقاولون العرب
تحدث طارق سليمان، مدرب حراس مرمى النادي الأهلي السابق، والمقاولون العرب الحالي، عن المواجهة الدرامية التي جمعته بنجله أحمد حارس فريق مصر المقاصة، والتي حسمها ذئاب الجبل مساء أمس بثلاث أهداف دون رد، في الدوري المصري الممتاز، مشيراً إلى أن الموقف كان صعباً عليه بشكل كبير، ولكنه كان سعيداً بتحقيق الفوز نظراً لموقف ناديه في جدول الترتيب.
وقال طارق سليمان في مداخلة هاتفية لبرنامج «ملعب أون تايم»، المذاع على قناة «أون تايم سبورتس»، مع الإعلامي سيف زاهر، معلقاً على مواجهة نجله: «موقف صعب جداً بجد، شعور أب وابنه بيلعب، ممكن أتفرج عليه وأنا في البيت، لكن بيلعب ضدي شيء مختلف».
"الموقف صعب جدا.. وفرحت اننا كسبنا".. طارق سليمان يتحدث عن شعوره عند مواجهته لنجله في مباراة المقاولون والمقاصة #ملعب_ONTime pic.twitter.com/4dCJLlE67n
— OnTime Sports (@ONTimeSports) August 20, 2022
وتابع: «في المقام الأول كنت عايز أكسب، المقاولون العرب كيان كبير، وموقفه صعب حالياً، بعد المحاضرة لما نزلنا لعمليات التسخين، روحت لابني وقولتله ربنا يوفقك، وفي نفس الوقت أنا عايز أكسب، وأنا بصلي بدعي إني أكسب وإن ربنا يوفق أحمد ويبقى كويس».
وواصل: «المقاولون كان محتاج مباراة أمس، لكي ندخل من جديد مع الأندية التي تتملك 29 نقطة، أنا فرحت إننا كسبنا، حتى لو بنص جول، عشان ابني أنا أبقى مبسوط، لكن التعادل أو الهزيمة مكنتش واردة تماماً».
وأتم: «أنا في مكان لازم أخلص فيه، وقلبي كله مع المكان ده، عايز ابني يبقى كويس، وقولتله بس إحنا عايزين نكسب، فيه كورة كان بيجيبها ببطء انفعلت وزعقتله، قولتله فيه إيه يا أحمد، ما تجيب الكورة بسرعة».
فاركو
0
:
2
04:00 PM
الدوري المصريالإسماعيلي
الداخلية
1
:
3
07:00 PM
الدوري المصريسيراميكا كليوباترا
الأهلي
3
:
0
07:00 PM
الدوري المصريالجونة
تعليقات الفيسبوك