محمد الشناوي يسترجع ذكريات مونديال روسيا: تصدي كافاني الأصعب في مسيرتي

أخبار متعلقة

عصام الحضري: أتمنى يكون مشوار محمد الشناوي في الملاعب أفضل مني

الحضري: لو كنت مع المنتخب لاخترت الشناوي وصبحي لمعسكر نوفمبر

محمد الشناوي: حان وقت الاحتفال بجائزة أفضل لاعب داخل إفريقيا

محمد الشناوي: تعاهدنا على الفوز بلقب السوبر لإسعاد جماهير ‏الأهلي

تحدث محمد الشناوي حارس مرمى الأهلي ومنتخب مصر، عن ذكرياته مع كأس العالم التي شارك بها رفقة الفراعنة في روسيا عام 2018، تزامنا مع اقتراب انطلاق مونديال قطر 2022، المقرر انطلاقه 20 نوفمبر الجاري، ولن يشارك به منتخب مصر.

وقال «الشناوي» في تصريحات نقلها الموقع الرسمي للاتحاد الدولي «فيفا»: «إحساس إننا رايحين كاس العالم قبل ما نسافر من مصر، والجمهور جالنا في آخر تدريب علشان يشجعنا قبل ما نسافر، كان شعور رائع خاصةً أنها كانت أول مشاركة بعد غياب 28 عاما».

الشناوي عن الحضري: بنتعلم منه

وأضاف حارس الفراعنة: «وجودي مع عصام الحضري في المنتخب وقتها كان بالنسبة لي حاجة كبيرة، هو يملك تاريخا كبيرا محدش هيعمله تاني، نموذج في الإصرار والعزيمة والاجتهاد، اتعلمت منه ازاي أركز في شغلي جوه الملعب، وبره الملعب بيهزر عادي، إحنا بنتعلم منه لحد دلوقتي».

وأكمل محمد الشناوي: «كنت بحضر كويس قبل المباريات في كأس العالم، بتفرج على الفرقة وبتفرج على المهاجمين، ومواجهة أوروجواي كانت أول مباراة دولية رسمية لي، بالتأكيد حاجة كبيرة وكان لازم أكون مركز علشان أساعد الفريق.. مصلحة المنتخب قبل أي حاجة».

وتابع: «مكنتش عارف إذا كنت هشارك في المباراة ولا لأ، منمتش اليوم ده من كتر التركيز، ومش أنا بس، كمان سألت النني وحجازي قالولي إنهم ناموا الفجر، وده مش خوف، ده كان تركيز كبير مننا، والحمد لله قدرنا نعمل مباراة كويسة».

الشناوي: تصدي كافاني الأصعب في مسيرتي

واسترجع الشناوي ذكريات كرة «كافاني» التي تصدى لها، قائلا: «كانت أصعب كرة صدتها في مسيرتي»، وأضاف: «مكنتش أعرف إني حصلت على جائزة رجل المباراة، كنت فرحان جدا بالحصول على هذه الجائزة في أول مباراة رسمية دولية لي، وفي بطولة بحجم كأس العالم، ولكن أنا بعتبرها جائزة للمنتخب بالكامل لأننا فريق جماعي كلنا بنساعد بعض».

وانتقل الشناوي للحديث عن محمد صلاح قائد الفراعنة قائلا: «على طول كان بيشجعنا في مباراة أوروجواي وكان نفسه يلعب، ولكن مكنش يقدر بسبب الإصابة، وبشكل عام صلاح شخصية محترمة وعلى طول بيتكلم عني بشكل كويس».

واختتم الشناوي تصريحاته بالحديث عن الجماهير، قائلا: «الجمهور على طول ورانا وفي ضهرنا، واحنا كل هدفنا اننا نفرحهم».