كوكا يرد على ميدو برسالة نارية: الحقد عالي أوي عندك ومجبتش 99 جول ليه؟
02:59 م | الجمعة 31 ديسمبر 2021
أحمد حسن كوكا
شن أحمد حسن كوكا، مهاجم المنتخب المصري وفريق قونيا سبور التركي، هجومًا عنيفًا على أحمد حسام ميدو، بعد وصفه بإنه مهاجم متواضع، حتى ولو سجل ألف هدف في الدوريات الأوروبية.
وكان ميدو، علق عبر حسابه على موقع التدوينات القصيرة «تويتر» على استبعاد أحمد حسن كوكا من قائمة المنتخب المصري رغم تألقه في الملاعب الأوروبية، قائلا: «مهاجم متواضع لا يصلح للمستوى الدولي حتى ولو أحرز 1000 هدف».
كوكا يرد على ميدو
وقال كوكا عبر حسابه على «تويتر» رادًا على ميدو: «مهاجم متواضع؟ أولا هو أنت أصلا مين طلب رأيك؟ ثانيًا أنت مبطل كورة وأنت عندك 29 سنة وكل الناس عارفه ليه».
وواصل مهاجم المنتخب المصري حديثه، قائلًا: «ثالثًا لو رقم الأهداف اللي أنا جايبه شايفه قليل ماجبتوش أنت ليه؟ مع إن اللي بيلعب في نادي أكبر فرصته أكبر في التسجيل، ورابعًا حاولت تبقى مدرب ومكملتش شهر في أي نادي».
واستمر هجوم كوكا على ميدو، حيث قال: «خامسًا بتحاول تبقي إعلامي وتتكلم عن ده وده عشان تبقي تريند بأي شكل، أي حاجه عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني».
واختتم مهاجم قونيا سبور هجومه، قائلًا: «أنا عارف أن أكبر غلط إني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كورة وبعد لما أموت غير السيرة الحلوة».
استبعاد كوكا من قائمة منتخب مصر
واستبعد البرتغالي كارلوس كيروش المدير الفني للمنتخب المصري، من قائمة الفراعنة التي ستخوض منافسات كأس الأمم الأفريقية التي ستقام في الكاميرون.
تعليقات الفيسبوك