إبراهيم حسن: لاعبو منتخب مصر اختراعات حسام حسن.. ومحمد صلاح مرتاح نفسيا

أخبار متعلقة

تعرف على ترتيب هدافي منتخب مصر في كأس العالم

إبراهيم حسن: رفض طلب منتخب مصر بالإقامة في سياتل.. وسنعود إلى سبوكين

الأهلي يدعم لاعبيه في منتخب مصر بعد الإنجاز التاريخي

إيهاب الخطيب: مباراة إيران هي الأصعب لمنتخب مصر بالمونديال

تحدث إبراهيم حسن، مدير منتخب مصر، في تصريحات تليفزيونية، عن كواليس ما يدور في المنتخب الوطني، بعد مواجهة نيوزيلندا، والفوز التاريخي الأول بنتيجة 3-1، في بطولة كأس العالم 2026 المقامة في أمريكا وكندا والمكسيك، مشيرا إلى دور حسام حسن، المدير الفني لـ«الفراعنة»، الكبير، وأيضا ما يقدمه محمد صلاح، قائد المنتخب الوطني، لدعم زملائه.

وقال إبراهيم حسن: «فرحة المصريين بتدينا دفعة كبيرة جدا، اللي بنعمله ده أقل حاجة نقدمها لمصر لأنها خيرها على الكل، وبنوعد الشعب المصري إننا نفضل مخلصين ونفرحهم، واللي حاصل في العاصمة بنشوفه مظهر جميل جدا ورهيب مع اللي بيحصل في الشوارع وكل المحافظات».

مدير المنتخب: طموحنا أعلى من طموح المصريين

وأضاف: «احنا طموحنا كبير جدا في المونديال، إننا نوصل لأبعد نقطة في كأس العالم، احنا أكبر تاريخ في العالم، ولازم يكون تاريخنا في الكرة كبير جدا، وكل واحد مكنش عنده ثقة فينا بإذن الله ترجع ثقتهم تاني خلال الأيام الجاية، والمصريين هما اللي بيعملوا إنجازاتهم بنفسهم، احنا طموحنا أعلى من طموح المصريين كمان، يعني شوفوا هنا طموحهم إيه، احنا أعلى منه».

إبراهيم حسن: محمد صلاح شخصية جميلة ومخلصة

وتحدث إبراهيم حسن عن محمد صلاح، قائلا: «شخصية جميلة ومخلصة، الكل بيحبه في البعثة، ومتعاون جدا ودايما بيستشعر الحاجة اللي احنا محتاجينها من الجهاز الفني، ودوره كبير جدا وشايل معانا في كل التفاصيل، ولما يكون في فورمة وفايق بيعمل حاجة كبيرة جدا، واللي بيقدمه ده يدل إنه مرتاح نفسيا، وحسام عمله أدوار جديدة في المنتخب، وهي متناسبة مع مهاراته الكبيرة».

وأضاف: «كل اللاعبين اختراعات حسام حسن، مش زيكو بس، ارجع لإسلام عيسى ومحمد حمدي وكمان مروان عطية، وأسامي كتير جدا، ورقم كبير، معندناش حسابات مع حد، واللاعب ده بيلعب فين، لا اللي هيفيد المنتخب هيكون موجود»، مؤكدا: «حسام اللاعب اللي شايف إنه يقدر يكون موجود في التوقيت المناسب هيكون موجود».