حسام وإبراهيم
علق إبراهيم حسن مدير المنتخب الوطني على الفضيحة التحكيمية التي شهدتها مباراة مصر والأرجنتين في ثمن نهائي كأس العالم.
وقال إبراهيم حسن في تصريحات تليفزيونية عقب نهاية المباراة: «كسروا فرحتنا وكان الواحد عنده يعني نطلع احنا طلعنا بشرف بس ما نطلعش بقهر فهو الواحد يبقى حزين إن احنا طالعين بقهر، إنك أنت لو أنت مغلوب عادي بشرف في الملعب الواحد مش هيبقى زعلان ولا تعبان بالطريقة دي».
وتابع: «كلنا كلاعبين وجهاز كله يعني حاسين بكسرة لأن احنا حاسين إن احنا من أول الماتش لو تعيد في لقطات كتيرة جدا أخطاء رهيبة، وفي عندك فيديوهات وعندك حاجات غريبة جداً حصلت في المقصورة، مسؤول كبير من الاتحاد الدولي مع هدف الأرجنتين قام يحتفل بس لحق نفسه بسرعة، عندك يا ريت الناس يجيبوها لك المخرج عندك يجيبها. وفي مسؤول برضه من الفيفا لابس البدلة وواقف جنب الترابيزة بتاع الحكام المراقبين، الراجل برضه مع الهدف راح عامل بإيديه الفرحة بإيديه كده».
وتابع: هل ده طبيعي إن يبقى اتحاد دولي مسؤول ويقول لك الفير بلاي (اللعب النظيف)، فين الفير بلاي اللي عندنا؟ فين الموجود؟ أنا عمري ما شفت، ما كنتش أتصور ممكن في كأس العالم نخسر كده يعني.
وتطرق للحديث عن ميسي قائلا: فيفا عارف مين اللي ممكن يبقى أحسن لاعب ياخدها ورا بعض حتى لو بيلعب في دوري مش بيتفرج عليه غير 3 أنفار وميسي ياخد أحسن لاعب وهو بيلعب في أمريكا محدش بيتفرج عليه في أكتر من مرّة، غريب يعني.
وأكمل: حسام أحرج الحكم بالشارة اللي عملها فطبعا هو عشان عمل كده إداله إنذار، حاجة غريبة جدا مع إنها تعليمات الفيفا وبعد كده راح جاي تاني عايز يقول له بقى اللي هو إيه عايز يطرده، واخد قرار بقى إيه إنه بيهدده إنك أنت ازاي تعمل كده إنك أنت فاهم؟ يعني في حتة إن أنا عايز أطلع لك الكارت الأحمر فهو مش عارف يعمل إيه، مش عارف ينفذ تعليمات الفيفا ولا عايز يطلع الغل اللي في قلبه مش عارف، عايز يعمل أي حاجة فهو بيهدد حسام.
وأردف: «هم عملوا فيلم إن هم عندهم مشاكل مع بعضيهم الاعتراض على فرنسا على الأرجنتين على الحكم، فاحنا اللي رحنا في الرجلين طبعا، والحكم نازل يا إما بقى بمزاجه يا إما بأوامر يا إما بترضية، اللي حصل ده متقوليش كورة».
واختتم: تخيل لما يبقى عندك ميسي بيعيط وحرقه رهيبة علشان كسب مصر، أنت عارف إنه قعدوا في الاستاد يحتفلوا؟ قعدوا في الاستاد يحتفلوا تلات ساعات مش مصدقين نفسهم أنهم كسبوا مصر بالظلم التحكيمي ده، لما حامل اللقب يعني مش مصدق إن إن هو كسبنا بالظلم بالطريقة دي وبيحتفلوا فتخيل أنت يعني قد إيه أنت كنت قوي عليهم قد إيه أنت كنت عقبة بالنسبة للناس دي، فأنا عشان كده بقول للناس الجاحدة اللي قلبها وحش من بعض الناس اللي موجودة، الأرجنتين كانت بتستجدي التعادل، الأرجنتين قعدت بعد الماتش تلات ساعات بيطبلوا ورقص أنا أول مرّة أشوفها، احنا لعبنا الماتشات اللي فاتت مشفتش الفرحة الهستيرية دي والله العظيم من ضمن الحاجات اللي هونت علينا الجماهير المصرية هنا، الحاجات دي هونت علينا رغم إن هم يعني كتر خيرهم بصراحة.
تعليقات الفيسبوك