رسالة مؤثرة من حسين الشحات بعد وفاة زوج والدته: «حاسس اني بحلم»

أخبار متعلقة

بكاء حسين الشحات نجم الأهلي خلال عزاء زوج والدته.. وحضور ياسر إبراهيم «فيديو»

نجوم الأهلي يقدمون العزاء في زوج والدة حسين الشحات.. وظهور أمح «صور»

حسين الشحات يستقبل العزاء في زوج والدته «صور»

أخبار الأهلي: عنوان عزاء والد حسين الشحات.. وجدل بعد استبدال الشناوي

نعى حسين الشحات لاعب الفريق الكروي الأول بالنادي الأهلي، وفاة زوج والدته، الذي قام بتربيته منذ الصغر، والذي وافته المنية أمس الثلاثاء بعد صراع مع المرض.

رسالة مؤثرة من حسين الشحات بعد وفاة زوج والدته

وكتب الشحات عبر حسابه الرسمي على موقع التواصل الإجتماعي «فيس بوك» رسالة مؤثرة جاء نصها: «لحد دلوقتي مش مصدق يا حبيبي، طيب مين هيكلمني بعد الماتش ويصلح أخطائي ويزعقلي لو مش موفق، طيب مين هيقولي انت احسن لاعيب ف مصر كمل زي ما انت ودوس ع نفسك تاني يا حبيبي».

وأضاف لاعب الأهلي: «طيب مين وعد أحمد وآسر وتيم يعلمهم كوره زي ما علمتني ووعدهم آنك هتخليهم أحسن مني، أقولهم ايه دلوقتي، حاسس اني بحلم يارب يبقي حلم وأصحي أشوفك تاني وأخدك ف حضني انت ف مكان احسن عند ربنا اللي أحسن وأحن مننا كلنا».

حسين الشحات بعد وفاة زوج والدته: كنت بدور عليك

وأكمل حسين الشحات: «ربنا يرحمك يا حبيبي يارب مافيش أحن منك ولا أطيب منك طول عمرك طيب، ودائما كنت بتحب الهزار والضحك زي ف الصور كنت عمال أدور عليك ف وسط الناس كنت مستنيك تيجي والله وأشوفك كنت حاسس هشوفك، كان نفسي تبقي موجود وتشوف الناس اللي كانت موجودة والناس اللي بتحبك، ربنا يرحمك يا بابا يارب».