أيمن أشرف
كشف أيمن أشرف، نجم الأهلي السابق والبنك الأهلي الحالي، عن كواليس استبعاده من جانب المدرب السويسري مارسيل كولر، من تشكيل الفريق ومن ثم قائمة الفريق في العديد من المباريات.
وقال أشرف خلال حديثه ببرنامج ملعب أون تايم رفقة الإعلامي أحمد شوبير: «كنت أول الموسم راجع من المنتخب يمكن ده تسبب في تأخير التواجد مع الفريق ومكنتش جاهز بدنيا، وبعد فترة الإعداد بدأ بالتشكيل اللي هو عايزه ومحتاجه وبدأ اللاعبين يتأقلموا وبدأ يصنفني في حتة مختلفة وبعيدة عن اللي أنا عايزها».
وتابع: «هو وجهة نظره وأنا بحترمها ولكن أنا مشيت وأنا بقول للناس إني كنت موجود واتكلمت مع كولر كتير ودخلت له كتير محادثات بيني وبينه مرة يقولي راجع من الإصابة ومحتاج بدني ومرة لا فيه ناس بتلعب بشكل كويس أعتقد هو كان واخد القرار بينه وبين نفسه إنه مش هيديني الفرصة هو كان قافل الجزئية دي إنه ممكن يمنحني فرصة في الماتشات وبحترم هذا القرار».
تعليقات الفيسبوك