كهربا وإمام فتحي
كشف أحمد حسام ميدو، عن انتهاء أزمة محمود عبد المنعم كهربا، لاعب فريق الكرة الأول بالنادي الأهلي بشأن الغرامة الموقعة عليه لصالح نادي الزمالك.
قال ميدو في تصريحاته عبر برنامج الريمونتادا: «محامي كهربا تواصل مع محامي نادي الزمالك، وأبلغه بأن كهربا مستعد لدفع الغرامة الموقعة عليه كاش بدون الفوائد، وفي فرق 300 ألف دولار بس».
وأضاف: «مسؤولو الزمالك موافقين على العرض أو بيتجهوا للموافقة، عشان عدم الموافقة هيخلوا الفلوس تيجي بعد 6 أو 7 شهور، والموقف مفيهوش عناد، أنت بتعمل لمصلحة المكان اللي أنت شغال فيه».
وتابع: «كهربا دفع فلوس الاستئناف انهاردة اللي هي الـ ألف فرانك سويسري ولكن بعد يوم 20 أكتوبر أزمة كهربا هتنتهي تماما، المجلس المنتخب اللي جاي هيقبل العرض اللي هو بـ 2 مليون دولار و100 في مقابل إن الزمالك يحصل على الأموال دلوقتي خاصة إن اللجنة المعينة لإدارة نادي الزمالك قررت تأجيل حسم هذا الملف للمجلس المنتخب».
واختتم: «الزمالك في حاجة للفلوس دي دلوقتي، وأزمة كهربا خلاص خلصت».
وعلى جانب أخر، كشف أشرف عبدالعزيز، المحامي الخاص بكهربا، مفاجآت بشأن مفاوضات محامي اللاعب ومحامي نادي الزمالك لإنهاء أزمة غرامة اللاعب.
وقال عبدالعزيز خلال مداخلة تليفزيونية: «هناك مفاوضات بين محامي الخاص بكهربا والمحامي الدولي الخاص بنادي الزمالك وحينما يصل الطرفين لاتفاق سيتم دفع الفلوس كاش وسيتم التوقيع من مجلس إدارة الزمالك الجديد».
وأكد عبدالعزيز أنه لم يتم طرح أمر تقسيط غرامة اللاعب على الإطلاق قائلًا: «لم نعرض من قبل التقسيط نهائيًا، الحديث الآن السداد كاش بجدية كمان مع التخفيض ممكن دي هتكون طلباتنا كده طبعا طالما هيكون فوري».
وأكمل:«جميع الأطراف لديهم مرونة سواء محامي كهربا أو محامي نادي الزمالك نبشر جمهور الأهلي وجماهير الزمالك أعتقد الأمر سينتهي على نهاية شهر أكتوبر الجاري والامر دلوقتي في بداية نقطة اتفاق».
تعليقات الفيسبوك