محمود دونجا لاعب بيراميدز
أعلن محمود عبد العاطي دونجا لاعب بيراميدز تنازله عن مستحقاته المتأخرة لدى ناديه السابق الإسماعيلي، ونفى اللاعب ما تردد عن وجود مفاوضات للعودة للدراويش خلال فترة الانتقالات الشتوية الجارية.
وكتب دونجا عبر صفحته الشخصية على موقع التواصل الاجتماعي «فيس بوك»:«تم التنازل عن 25 في المية للنادي الإسماعيلي من مستحقاتي، متبقي 25 في المية في شيك من المهندس يحيي الكومي.. فأنا رفعت دعوة على المهندس يحيي بالشيك وكسبت القضية، بس القضية جت بالحجز على النادي لأن الشيك طالع من النادي مش من حسابه الشخصي».
دونجا لاعب الإسماعيلي السابق
وأضاف: «وجه الحكم بالتنفيذ فكلمني المحترم العميد أحمد النجار من ٢٠ يوم قالي مشكور على ٢٥ في الميه اللي اتنازلت عنهم بس بستأذنك توقف الحجز لأن احنا بنفك قيد وهنجيب لعيبة، أقف مع النادي قولتلو لو فعلا الإدارة هتعمل كدة (تفك قيد وتجيب لعيبة والنادي يخرج من اللي هو فيه أنا أول واحد واقف مع النادي ومش هحجز على حاجة، وهو ده اللي حصل وقفت كل حاجة بدون ولا جنيه قولتهم النادي يخرج من اللي هو فيه وبعد كده نشوف أي حاجة تاني.. حد قالها أخبار كلها أونطة وأما بيكلموني بيبقو محتاجين حاجة بساعدهم فيها لو اقدر وربنا يكرم الناس وتقدر تخرج النادي من اللي هو فيه.. شكرًا».
تعليقات الفيسبوك