كهربا يعلن كواليس «التلاعب» في عقده

أخبار متعلقة

عاجل.. كهربا يكشف كواليس أزمته الأخيرة مع الزمالك: «أنا مظلوم»

كهربا يكشف مفاجأة بشأن عرض الدوري السعودي.. وقرار الأهلي

بيقولوا.. 3 صفقات في الأهلي وقرار الزمالك مع «زيزو» وسر «كهربا»

أمير عزمي يكشف لأول مرة عن سر بشأن كهربا: مفاجأة لجماهير الزمالك

علق لاعب النادي الأهلي محمود عبدالمنعم «كهربا»، على أزمته مع مجدي عبد الغني لاعب الأهلي السابق، وعضو اتحاد الكرة السابق، قائلًا: «مضيت على بياض حبًا في نادي الزمالك عشان اطلع إعارة لاتحاد جدة السعودي، وملوا العقد في 2017 وحطوا فيه 4 سنين، واتوثق في 2018».

محمود كهربا: كل يوم بقول حسبي الله ونعم الوكيل

وقال محمود كهربا، خلال استضافته ببرنامج «أسرار» مع الإعلامية أميرة بدر المذاع على قناة النهار: «المسؤول عن ده كابتن مجدي عبد الغني، وميعرفش حاجة عن حب وخير الأهلي عليه، ومصلحته أهم من حبه للأهلي، وأنا شاب ليه تظلمني وأنا من دور ولادك؟، ومصالح بينه وناس كتير، وجريت ورا حقي وده اللي خلص عليا، وشهد وبصم ومضى ضدي، ومواجهتوش لأن حقى عند ربنا، وكل يوم وطول العمر بقول حسبي الله ونعم الوكيل».

وتابع: «أنا بالإنجازات اللي وصلت لها دلوقتي أكيد أنا مش ظالم وربنا كرمني، وأنا عيل صغير بالنسبة له هرد عليه أقوله إيه؟، وعمره ما هيعرف يرد عليا بحاجة».

كهربا: أنا بحترم الزمالك جدا

وتابع: «اتظلمت ظلم وحش أوي، وربنا جاب ليا حقي الحمد لله، وأحمد مجاهد - رئيس اللجنة الثلاثية التي أدارت اتحاد الكرة سابقا - في نفس مركب مجدي عبد الغني، وطول حياتي مشتمتش الزمالك، وبحترمه جدًا، ولازم يعرفوا إني مظلوم، أنا دخلت للزمالك مبلغ كبير في الإعارات حوالي 84 مليون في الوقت ده».