محمد مجدي أفشة
أكد محمد مجدي أفشة، صانع ألعاب النادي الأهلي، أنه على علم باقتراب رحيل زميله محمد عبدالمنعم، مدافع الفريق الأحمر خلال فترة الانتقالات الصيفية المقبلة.
وقال «أفشة» في تصريحات تليفزيونية: «بالفعل سمعت كلام عن رحيل محمد عبدالمنعم عن النادي الأهلي».
وأضاف: «محمد عبدالمنعم لاعب مميز ومدافع كبير، وعمره ما بيتعالى على الكرة هي دي طبيعته، وعمره ما يكون مغرور، وفي النهاية يحظى بثقة جميع زملائه بالفريق».
وتابع: «في النهاية الأهلي لا يقف على أي لاعب، وبالتأكيد هزعل أوي لو مشي من الأهلي».
وزاد: «عندنا في مصر في اختيار جائزة رجل المباراة بيختاروا اللاعب اللي بيضـرب ويكسر ويزعق، واللاعب اللي واكل النجيلة طول الـ 90 دقيقة عادي مش في الحسبان».
وعن أزمة حسين الشحات والشيبي: «حسين الشحات لاعب محترم وراجل في الملعب، وعارف إن الشيبي محترم جدا برده، وأتمنى انتهاء الأزمة ما بينهم سريعا وماكنتش أتمنى بكل تأكيد وصولها للمحاكم».
وأردف: «الشحات اعتذر للشيبي مرة، وإتنين وتلاتة، وأتمنى الموقف يخلص ونخلي المنافسة في الملعب فقط».
وأتم: «أنا بزعل جداً لما اقعد دكة او مالعبش أو حد يظلمني ويجي عليا لأن ده شغلي ولقمة عيشي، طالما طيب انا بتمرن كويس وبتعب في التمرين، وفي الآخر ما شاركش انت كدة بتظلمني وبتيجي عليا، بعكس لعيبة تانية بالنسبك لهم ممكن ما يلعبوش خالص ويكونوا راضيين ومبسوطين جداً عادي طالما بياخدوا بطولات فقط لكن أنا مش كدا».
وأتم: «إمام عاشور أول ما جه الأهلي توقعت انه هيكون صفقة الموسم في الأهلي، ووسام أبو علي مهاجم كبير وهيكسر الدنيا مع الأهلي الفترة إللي جاية، وموديست لاعب كبير كذلك».
طلائع الجيش
-
:
-
07:00 PM
الدوري المصري
الأهلي
المصري البورسعيدي
-
:
-
07:00 PM
الدوري المصري
الجونة
فرنسا
-
:
-
07:00 PM
يورو 2024
بلجيكا
البرتغال
-
:
-
10:00 PM
يورو 2024
سلوفينيا
تعليقات الفيسبوك