أحمد كشري: «لو لاعيبتي صدقوا نفسهم كنا كسبنا الزمالك»

أخبار متعلقة

جدول ترتيب دوري NILE بعد تعادل الزمالك مع بلدية المحلة

موعد مباراة الزمالك القادمة بدوري nile بعد التعادل مع بلدية المحلة

الزمالك يتعادل سلبيا أمام بلدية المحلة في دوري Nile

بعد وصول حافلة الفريق.. وصيف هداف الدوري يقود هجوم البلدية أمام الزمالك

علق أحمد كشري المدير الفني لنادي بلدية المحلة ، على تعادل فريقة مع الزمالك سلبيا ، في المباراة المؤجلة من الجولة 17 بدوري nile .

أحمد كشري : جالنا هجمات عايزة اللي ينفخ فيها 

وتحدث أحمد كشري المدير الفني لبلدية المحلة ، عقب مباراة الزمالك ، في تصريحات تلفزيونية ، عبر شاشة أون تايم سبورت ، معبرا عن استياءه من النتيجة ، وشعورة بأحقيته بالفوز قائلا : «زعلان عشان جالي فرص أكيدة اطلع بيها كسبان وانفردات وهجمات عايزة اللي ينفخ فيها».

وأضاف كشري :«مضايق لأني شايف الماتش بتاعنا، ولعبنا على الزمالك ماتش كبير بس اللعيبة مكنتش مصدقة نفسها».

وأكمل المدير الفني للبلدية :«كنا قافلين علي الزمالك ، ونقطة منهم كويسة ونقدر نبني عليها في اللي جي، ومشي من عندنا لاعيبه تقيلة بعد الدور الأول قصروا على المستوى العام».

وعن واقعة تعطل أتوبيس الفريق ، قبل مباراة الزمالك ، قال أحمد كشري: «تعطل الاتوبيس قبل الماتش حاجة بتاعت ربنا ، ومينفعش نلوم حد عليها».

وأنهي أحمد كشري حديثة : «بشكر اللاعيبة على الأداء ، ولو صدقوا نفسهم كنا كسبنا ، وشايف ان صبحي حارس الزمالك نجم الماتش ، بعد ما شال مننا أكتر من فرصة خطيرة ، بس للأسف معندناش توفيق ولو كان موجود معانا كنا كسبنا أخر 3 ماتشات».