أحمد أبو الوفا
كشف أحمد أبو الوفا، المعد النفسي السابق للنادي الأهلي، عن تفاصيل رحيله عن النادي خلال الفترة الماضية بشكل رسمي.
وروى أحمد أبو الوفا عبر حسابه على موقع التواصل الاجتماعي فيس بوك تفاصيل رحيله عن الأهلي قائلا: «أنا عمري ما اتكلمت مع صحفي رياضي بخصوص النادي الأهلي، ولا برنامج، ولا كتبت شئ يخص النادي في أي بوست».
وأضاف: «لكن عشان كلام كتير أوي الأسبوع اللي فات ده تحديدا، فدي أول وآخر مرة هتكلم عن شغلي في النادي الأهلي في مجموعة نقاط».
وتابع: «التجربة دي أنا كنت بسعى ليها وحرفيا بجري وراها، وقابلت كابتن سيد عبدالحفيظ من خلال دكتور أحمد أبوعبلة قبل ما اشتغل مع النادي بأكثر من سنة، بشغلي مع النادي الأهلي أنا حققت حلم كبير أو في حياتي هفضل ممتن لكل دقيقة فيه، الحلو والوحش».
وواصل: «الحمد لله علاقتي بالجميع ممتازة، واللاعبين تحديدا أنا فخور إني أشتغلت معاهم فرد فرد، قرار إني أمشي أنا بلغت بيه الإدارة بعد رجوعي من الحج مباشرة وآخر ماتش ليا في أوضة اللبس كان ماتش بيراميدز الثاني، منظومة النادي الأهلي كبيرة جدا ومليانة حكايات وتضحيات من بشر الإعلام ميعرفش هما مين، دول أبطال حقيقيين وبجد فخور بالعمل معاهم جميعا، أنا مشجع للنادي وهفضل مشجع للنادي وعلى رأي أبويا إنت هتتفضل بتشجع الأهلي حتى لو بيلعب بلي».
واختتم :« أنا بجد خلصت شغلي وفخور بيه ومعنديش حاجة تاني أقولها. فمش هيكون عندي أي شئ زيادة عن اللي موجود في البوست ده».
تعليقات الفيسبوك