سيد عبدالحفيظ
علق سيد عبدالحفيظ، مدير الكرة الأسبق بالفريق الأول لكرة القدم بالنادي الأهلي، على مقولة «الزمالك أكبر قلعة رياضية في مصر»، والتي كان حسين لبيب رئيس مجلس إدارة نادي الزمالك خرج بها في وقت سابق، وذلك بعدما أحدثت ضجة كبيرة في الوسط الرياضي خلال الأيام الماضية.
وقال سيد عبدالحفيظ في تصريحات تليفزيونية: «في فرق بين وصف وتشبيه ورأيك.. يعني مثلا تقولي الاسماعيلي سامبا وبرازيل مصر، تقولي الزمالك مدرسة الفن والهندسة، والأهلي فوق الجميع كل دا كلام جميل».
وأضاف: «لما تقولي ما الأهلي بيقول أعظم نادي في افريقيا، ماهو عشان مرتبط بالبطولات والأرقام إللي الأهلي حققها، لكن متجيش تقولي إبراهيم دا الأول على دفعته ودا مش واقع».
وتابع: «في فرق بين رأيك، وفي فرق بين الشعار والإنجازات، يعني أكبر قلعة لازم تبقى واقع يا برقم يا ببطولات يا بإنجاز كبير عملته، الزمالك ولا عمره كان أكبر من الاهلي على مستوى البطولات ولا عمره هيبقى أكبر من الأهلي إن شاء الله».
وأتم: «يعني لما ييجي مسئول في المستقبل بعد 50 سنة، ويلاقي الجملة دي مترسخة هيستغرب هي إتقالت بناء على إيه، لما ترسخ حاجة وتوثق حاجة لازم تكون حقيقية».
تعليقات الفيسبوك