عصام الحضري ومحمد الشناوي
وجه عصام الحضري حارس مرمى الأهلي والزمالك ومنتخب مصر الأسبق رسالة دعم إلى محمد الشناوي حامي عرين القلعة الحمراء، بعد الانتقادات التي تعرض لها خلال الفترة الأخيرة.
وعبر حسابه الرسمي على منصة التواصل الاجتماعي «فيس بوك»، قال الحضري: «يا شناوي ما يهزك ريح، محمد الشناوي واحد من أفضل حراس المرمى الذين مروا على تاريخ النادي الأهلي والكرة المصرية، والطبيعي أن لكل جواد كبوة لكن اللي مش طبيعي إن في ناس بتستنى أي حاجة وتبدأ تشغل لجانها، واللي بيحصل مع الشناوي متعمد ومقصود».
وتابع: «من امتى بيتم محاسبة لعيبة الأهلي بالقطعة؟ وده مش لاعب عادي ده قائد الفريق.تاني وتالت ورابع».
واختتم: «ما يحدث مع الشناوي متعمد وبيلعبوا على الناحية النفسية له، فلازم جمهور الأهلي الحقيقي يفهم اللي بيحصل مع أهم ركائز الفريق واللي رصيده عند جمهوره المفروض يحميه من كل صاحب مصلحة».
تعليقات الفيسبوك