رسالة غامضة من محمد صبحي حارس الزمالك: «نفوس ماليها الحقد»

أخبار متعلقة

الزمالك يفاوض بديل محمد صبحي.. وجون إدوارد يقلب موازين الصفقة (خاص)

تعليق مفاجئ من محمد صبحي بعد فوز الزمالك بلقب كأس مصر

محمد صبحي يكشف سر غضبه أثناء استبداله في نهائي كأس مصر

تشكيل الزمالك المتوقع أمام بتروجت.. محمد صبحي يعود لحراسة المرمى

نشر محمد صبحي، حارس مرمي الفريق الأول لكرة القدم بنادي الزمالك، رسالة غاضة عبر حسابه الشخصي بمنصة «إنستجرام»، تزامنا مع الأنباء التي تؤكد رحيله عن الفريق الأبيض، خلال فترة الانتقالات الصيفية الجارية، وانتقاله إلى بيراميدز.

رسالة غامضة من محمد صبحي حارس الزمالك

وكتب حارس الزمالك «متستغربش لما تلاقي حد كارهك وأنت معملتش معاه أي حاجة وحشة، ولا تتصدم لما تعمل الخير مع حد ويردوهلك في الآخر أذية، نفوس الناس مش زي بعضها وفي قلوب كتير حوالينا ماليها الحقد والغل، ومش كل الناس هتحبك وتتمنى لك الخير».

وأضاف محمد صبحي: «مهما قدمتلهم حاجات حلوة، مهما كان قلبك أبيض وبيحب الخير للكل، هتتشاف وحش في عيون ناس كتير، مهما كانت تصرفاتك تلقائية وطبيعية!!، ناس هتشوفها مقصودة ومدروسة، حتى جدعنتك اللي بالفطرة هتتحسب منظرة وحب للظهور».

وتابع «صبحي»: «مش كل الناس هتحب تعرفك على حقيقتك، ولا كل الناس هتشوفك زي ما أنت، ناس كتير جدا بيشوفوك بطباعهم وسواد قلوبهم، بقينا في زمن العجايب فتوقع الغير متوقع، امشي زي ما أنت وزي ما اتربيت ومتستناش خير من حد، واياك تعافر عشان تثبت لحد إنك كويس، مش مهم أبدا تكون عند الناس إيه، ولا هما باصينلك إزاي، لينا رب هو اللي عارفنا، وشايف قلوبنا، وعارف نوايانا، وهو ده بس المهم، مش البشر أبدا».