أول تعليق من سيد عبدالحفيظ على أزمة إمام عاشور: مش هتجبرني أتعامل معاه

أخبار متعلقة

موقف إمام عاشور وزيزو من خوض لقاء القمة ضد الزمالك

النشرة الرياضية| رد فعل إمام عاشور بعد إيقاف مفاوضات الأهلي وحجم إصابة «دونجا»

حدث فجرا في الأهلي.. رد فعل إمام عاشور على إيقاف المفاوضات وحسم عقوبة ياسر إبراهيم

رد فعل مفاجئ من إمام عاشور بعد إيقاف الأهلي مفاوضات تعديل عقده

علق سيد عبدالحفيظ مدير الكرة الأسبق بالنادي الأهلي، على الأزمة المُثارة بشأن تمديد عقد إمام عاشور لاعب خط وسط الفريق، بعد التصريحات الأخيرة لوكيل أعمال اللاعب آدم وطني، التي تسببت في استياء مسؤولي القلعة الحمراء.

سيد عبدالحفيظ: أنت مش هتجبرني أتعامل مع مين

قال سيد عبدالحفيظ تعليقًا على أزمة إمام عاشور في تصريحات تليفزيونية: «أنا بتعامل مع اللاعب، مليش علاقة بالوكيل، أنت مش هتجبرني أتعامل معاه، وأنا كنادي صاحب القرار أتعامل ومتعاملش مع مين».

وأضاف: «أنا من أنصار عدم تمديد التعاقد مع اللاعب، لسه في عقده 3، أو 4 سنين، ممكن الكلام ده يحصل أه مع لاعب صغير في السن، لكن الموضوع مع اللاعبين الكبار مختلف تمامًا، وأنا لو كانت عندي الرغبة إن مدد التعاقد معاك هجيلك أخبط عليك».

سيد عبدالحفيظ: إمام لا غنى عنه ولكن

وأوضح سيد عبدالحفيظ: «عشان الناس متفهمش كلامي غلط، إمام كقوة فنية لا غنى لكن أنا بتكلم على أسلوب حياة وأسلوب شغل، بعيدًا عن الفنيات ومدى الاحتياج للاعب، الأهلي قبل إمام واخد 3 إفريقيا و2 برونزية كأس عالم، فالموضوع بسيط يعني».