«خليكي أنا جاي».. أسامة نبيه يكشف تفاصيل آخر مكالمة بين محمد صبري وزوجته

أخبار متعلقة

موعد ومكان جنازة وعزاء محمد صبري.. واتحاد الكرة ينعى نجم الزمالك السابق

مفاجأة قبل الحادث بدقائق.. تفاصيل اللحظات الأخيرة لوفاة محمد صبري نجم الزمالك

مايفوتكش| خطف نجم الأهلي وطلب منتخب مصر والزمالك يودع محمد صبري

الزمالك يعلن 3 قرارات بشأن الراحل محمد صبري.. «صرف معاش شهري»

كشف أسامة نبيه، المدير الفني السابق لمنتخب الشباب، نجم نادي الزمالك السابق، عن تفاصيل المكالمة الأخيرة بين محمد صبري وزوجته، قبل الحادث الأليم، ووفاته على طريق التجمع الخامس.

أسامة نبيه: «محمد صبري بلغ زوجته إنه تعبان» 

وقال أسامة نبيه، في تصريحات تلفزيونية: «حد كلمني في التليفون بدري جدا، الساعة 6 الصبح، رن رنة وقفل، معرفتش مين، فقلت يمكن حد من جمهورنا يعني، وبعدها بثواني بعت ليا رسالة بيقول فيها: (الله يرحمه مات في طريق التجمع)، ساعتها قررت أكلم الرقم اللي كلمني، وقالي إنه كان في حادثة ومحمد صبري توفي في طريق التجمع».

وأضاف نجم الزمالك السابق: «مباشرة قررت أكلم زوجته، لأنها على علاقة بالأسرة، فقالت لي إن محمد صبري شعر بتعب وهو راجع الساعة 1 أو 1 ونص بالليل، وبلغها إنه تعبان وعنده حرقان في صدره، فقالت له: أجيلك؟، قال لها: خليكي أنا هاجي».

وتابع: «سألت: أجيلك فين؟، قال لها: أنا هاجي، ولما قرب من البيت كلمها وقال لها: هتلحقيني على المستشفى، وهو توفى قبل الحادث، الأزمة حصلت قبل الحادث، وفقد السيطرة على السيارة».

أسامة نبيه: الحادث ليس السبب في وفاة محمد صبري

وأكد أسامة نبيه، أن محمد صبري توفى قبل الحادث: «هو توفي قبل الحادثة بالضبط، لأننا لما دخلنا عليه في الغُسل مكنش عنده جروح كبيرة، أو حاجة تقول إن الحادثة هي اللي أنهت حياته، كان عنده كدمة في مناخيره، وكدمة في رأسه، وكدمات خفيفة مش جامدة، الله يرحمه ويغفر له ويسامحه».

وأوضح: «أنا غير كل الناس، ده حياتي كلها كانت معاه لاعب ومدرب، دي عشرة عمر، غير أي حد، لأن في لاعبين بيقضوا حياتهم في الملاعب وخلاص، لكن أنا وهو اشتغلنا مع بعض فترة كبيرة، وبينا حياة أسرية وعلاقات كبيرة جداً، رحمه الله عليه، لحد دلوقتي مش مستوعب أنا بتكلم في إيه، بس الله يرحمه، ميعزش على اللي خلقه، وإنا لله وإنا إليه راجعون، إن شاء الله صبري يستاهل، ويستاهل حاجات كتير جدا، والوصية هتتنفذ بإذن الله».