عصام الحضري أسطورة حراس منتخب مصر
رغم ابتعاده عن الملاعب منذ سنوات، ما يزال اسم عصام الحضري حاضراً بقوة كلما دار الحديث عن حراسة المرمى في مصر، الحارس الأسطوري، صاحب التاريخ الأطول والأنجح بقميص منتخب مصر، انتقل بعد الاعتزال إلى عالم التدريب، لكنه لم يبتعد يوماً عن متابعة تفاصيل هذا المركز الحساس، الذي يعرف أسراره أكثر من أي شخص آخر، وفي توقيت دقيق، وقبل أيام من انطلاق منافسات كأس الأمم الأفريقية 2025 بالمغرب.
«الوطن سبورت» حاور عصام الحضري، للحديث بصراحة عن مستوى حراس المرمى في الكرة المصرية، وتقييمه لأداء محمد الشناوي وأخطائه الأخيرة أمام نيجيريا في المباراة الودية، ومن يستحق حراسة عرين الفراعنة في البطولة الإفريقية، ورؤيته للمنافسة بين محمد الشناوي ومصطفى شوبير ومحمد صبحي وأحمد الشناوي، وكيف يحُسم السباق داخل هذا المركز الصعب.
وفتح السد العالي قلبه في حوار بلا مجاملات، وضع خلال خبرته الطويلة، ووجه رسائل واضحة للجهاز الفني واللاعبين، قبل تحدٍ جديد ينتظر منتخب مصر بقيادة حسام حسن.
عصام الحضري نجم الكرة المصرية السابق
القائمة متوازنة إلى حد كبير وتضم عناصر خبرة ولاعبين في حالة فنية جيدة، وتعكس حرص الجهاز الفني على اختيار لاعبين جاهزين فنياً وبدنياً لتمثيل منتخب مصر في بطولة كبيرة بحجم أمم أفريقيا، وأعتقد أن كل لاعب لديه حافز قوي للظهور بمستوى جيد لأن قميص المنتخب حلم لأي لاعب، والتواجد في مثل هذه البطولات شرف كبير.
حسام حسن المدير الفني لمنتخب مصر
حسام حسن مدرب صاحب شخصية قوية ويعرف إمكانيات لاعبيه جيداً، وقرار اختياره السفر بـ28 لاعباً وجهة نظر فنية تحترم، لأن التدريب مدارس، والمدير الفني هو من يملك القرار دائماً، لأنه هو الذي يتحمل مسؤولية النتائج.
كيروش كانت له رؤية تعتمد على تقليل العدد من أجل الحفاظ على نفسية اللاعبين وتحريرهم من الضغوط والابتعاد عن أي قلق أو توتر، لكن كما ذكرت أنا أحترم قرار حسام حسن، لأنه المدير الفني وسيتحمل تداعيات قراره، ورؤيتي أن مجموعة اللاعبين الموجودة بينهم انسجام وروح جيدة ستساعده على النجاح.
الخبرات الكبيرة في الجيل الحالي بقيادة محمد صلاح، ووجود لاعبين شاركوا في بطولات كبيرة، بالإضافة إلى روح الانتماء والالتزام، وده عنصر مهم جداً في البطولات القارية.
مفيش منتخب كامل، لكن التركيز الذهني في بعض الفترات هو التحدي الأكبر، ولو اتظبطت الجزئية دي منتخب مصر هيكون صعب جداً على أي منافس.
منتخب مصر دايماً مرشح، والجيل الحالي قادر ينافس بقوة لو لعب بروح واحدة والتزام بتعليمات الجهاز الفني، والبطولات الكبيرة بتحسمها الشخصية مش الأسماء بس.
المغرب، والسنغال من أقوى المنافسين، بسبب الاستقرار الفني واللاعبين المحترفين، لكن منتخب مصر عنده شخصية البطولات.
محمد الشناوي هو الحارس رقم واحد في منتخب مصر، خبراته الكبيرة تمنحه الأفضلية دائماً.
خطأ محمد الشناوي في ودية نيجيريا
أي حارس مرمى معرض للخطأ، المهم هو رد الفعل بعده، والشناوي لاعب كبير وبيعرف يتجاوز المواقف دي بسرعة، ومش شايف إن الخطأ يقلل من قيمته أو تاريخه.
عصام الحضري ومحمد الشناوي بقميص منتخب مصر
أنا مبعرفش المجاملة في شغلي، أنا تعبت وكافحت عشان ألعب وأمثل مصر، وحفرت في الصخر عشان أبني اسمي، وطبيعي أقول رأي في الشناوي بكل صراحة، وده مش مجاملة الشناوي هو الحارس الأساسي للأهلي منذ سنوات، ويحرس مرمى مصر بشكل أساسي ومستواه الفني كويس، وطبيعي يكون فيه أخطاء لكن المطلوب عدم تكرارها.
أحمد الشناوي حارس بيراميدز هو الحارس رقم (2)، وأنا شايف أنه حارس كبير وصاحب خبرات، ووجوده داعم قوي للمنتخب.
محمد بسام حارس مميز جداً، وكان يستحق الانضمام للمنتخب لما يمتلكه من قدرات فنية وجاهزية عالية، ويستطيع تقديم الإضافة المطلوبة للمنتخب في أي وقت.
المنافسة مطلوبة، لكن في البطولات الكبيرة لازم يكون فيه حارس أساسي واضح، وده بيدي استقرار وثقة للدفاع كله.
أقوله كمل بثقتك وهدوءك، أنت حارس مصر الأول، وخبرتك هتكون عامل حاسم في البطولة، وبلاش تركز مع الانتقادات والحملات اللي بتحصل ضدك، العب باسم مصر ودايما اسم بلدك قدام عينيك وهتكسر الدنيا وأنا متأكد من ده.
حسام حسن مدرب كبير وله تاريخ، وعارف كويس إزاي يدير المجموعة، وثقتي كاملة في قراراته الفنية.
التوأم حسام وإبراهيم حسن
مفيش أي أزمات، حسام وإبراهيم حسن كباتن كبار وأصحاب تاريخ، والكل هدفه مصلحة منتخب مصر، وخبراتهم هتتنقل للاعبين وده مكسب كبير للمنتخب، وأنا بقول للكارهين واللي بيصطادوا الأخطاء ومنتظرين مشاكل ابعدوا، الفترة الحالية، الكل وأنا أولهم داعم ومساند للجهاز الفني لمنتخب مصر، ودعواتي لهم يشرفوا مصر ويحققوا لقب البطولة الأفريقية.
محمد صلاح مع حسام حسن المدير الفني لمنتخب مصر
وجود محمد صلاح فارق كبير جداً، قائد داخل الملعب وقدوة خارجه، ووجوده بيدي ثقة لكل اللاعبين.
محمد صلاح في مباراة السنغال
صلاح مش بس لاعب كبير على المستوى الفني، لكنه غيور على بلده وواع بقيمة تمثيل مصر، وكل ما تمر علينا بطولات المنتخب، بفتكر فرحة صلاح بعد تأهلنا لكأس العالم 2018، ودموعه بعد خسارة أمم أفريقيا 2023 أمام السنغال وضياع حلم المونديال، ووقتها كان متأثر جداً نفسياً، وده بيورينا قد إيه ارتباطه بمصر مش مجرد كرة، لكن بحب حقيقي ووفاء لبلده.
صدمة محمد صلاح بعد الخسارة أمام السنغال
إمام عاشور في معسكر منتخب مصر
بعيدا عن خبرات صلاح ومرموش والشناوي وتريزيجية، بقول لإمام عاشور عندك كتير تقدمه لمنتخب مصر والمهم التركيز، ورسالتي لمصطفى محمد أنت مهاجم كبير، وأنا واثق أن الكابتن حسام حسن أكتر شخص ينتظر نجاحك وتألقك في أمم أفريقيا.
عشان أكون صريح مفيش حد بيحس بالإحساس ده وقيمة مصر غير اللي عاش الأجواء دي، عشان كده أنا حاسس بإمام عاشور وبكل لاعب في منتخب مصر، لأن المسؤولية كبيرة والضغوط أكبر، وإمام عارف كويس أن البطولة مهمة وكل المصريين منتظرين الفرحة وهو رجع المنتخب بعد فترة من المرض، وأنا شخصياً أتمنى له وللجهاز الفني واللاعبين كل التوفيق.
رسالتي لكل لاعبي منتخب مصر، أهم حاجة الروح تكون واحدة والترابط يفضل موجود طول البطولة، لأن البطولات الكبيرة بتكسبها الجماعة مش الأفراد.
إحنا كلنا وراكم قلباً وقالباً، بندعمكم وبنثق فيكم، وكلنا بنفكر في اسم مصر وبس، مين يلعب ومين يبدأ ده قرار فني خالص لازم يحترم، واللاعب الحقيقي هو اللي يكون جاهز يخدم المنتخب في أي وقت وبأي دور.
البرازيل
-
:
-
08:00 AM
كأس العالم 2026
اليابان
ألمانيا
-
:
-
11:30 PM
كأس العالم 2026
باراجواي
تعليقات الفيسبوك