الأهلي
علق الإعلامي أحمد شوبير على خسارة النادي الأهلي أمام المصرية للاتصالات في بطولة كأس مصر، مؤكدًا أن الفريق «ظلَم نفسه» بسبب عدم مواجهة بعض الأخطاء والمشاكل الداخلية بصراحة.
وقال شوبير في تصريحات إذاعية خلال تحليله للمباراة: «الأهلي ظلم نفسه بكل أمانة، لأنك مش عايز تقف وتصارح نفسك ببعض الأخطاء أو المشاكل، وده مش عيب، في كل حتة فيه أخطاء وأزمات ومشاكل، وده عادي وبيحصل، ممكن تكسب مباراة وممكن تعدي والدنيا تتدارى أو تستخبى، بس الأهم إنك تبقى عارف فرقتك ماشية إزاي».
وأضاف: «أصل متقوليش الفرقة دي متكسبش المصرية للاتصالات، مع كامل احترامي ليهم، لا تكسب مستريح، حد هيقولي: يا كابتن الأهلي ناقصه الشناوي وشوبير وديانج ومحمد بن رمضان وزيزو وإمام عاشور، آه، ما أنا عارف، بس إيه المشكلة يعني؟ الأهلي بخبراته، وبالأسماء، وبالمحترفين، وبالفلوس، بكل ده… ناقصه إيه؟ مش ناقصه حاجة».
وأشار شوبير إلى صعوبة المباراة: «أنا هنا حذرت وقلت ده ماتش صعب، حتى ماتش الزمالك مع البلدية صعب، حتى والبلدية في المركز الأخير، آه، ماتش صعب».
وعن السبب وراء خسارة الأهلي، اختصر شوبير الأسباب بشكل صريح وواضح: «هو ليه الأهلي خسر؟ الإجابة: عشان لعب وحش، ولأنه مهتمش بالمباراة، ولأنه محترمش المنافس».
وختم شوبير تحليله بالتأكيد على أهمية مواجهة الأخطاء داخليًا، قبل أي انتقادات خارجية: «الأهم مش إنك تكسب أو تخسر، الأهم إنك تكون عارف وضع فرقتك، وتقدر تصلحه قبل ما المشاكل تتفاقم»
البرازيل
-
:
-
08:00 AM
كأس العالم 2026
اليابان
ألمانيا
-
:
-
11:30 PM
كأس العالم 2026
باراجواي
تعليقات الفيسبوك