محمد عبدالمنعم لاعب نيس الفرنسي
نشر محمد عبد المنعم، مدافع منتخب مصر والمحترف في صفوف نادي نيس الفرنسي، صور مشاركته الأولى في تدريبات فريقه بعد فترة غياب طويلة استمرت شهور، بسبب إصابته بقطع في الرباط الصليبي.
كما علق محمد عبد المنعم برسالة طويلة بعد مشاركته الأولى مع نيس الفرنسي، على صور مشاركته بالتدريبات.
محمد عبدالمنعم عبر انستجرام
وجاءت رسالة محمد عبدالمنعم، لاعب نيس الفرنسي، عبر حسابه على انستجرام، كالتالي:-
«الحمد لله دائماً وأبدا النهاردة أول يوم تمرين ليا بعد فتره هي الأصعب في حياتي دخلتني في اكتئاب وتوتر من المستقبل خلتني أشوف مستقبلي بشكل مختلف عن اللي كنت بحلم بيه بس التفكير هنا طول الوقت مش هسيب حلمي واني اقدر اعدي اي مرحله صعبه حسيت بكمية الحب والتعاطف والدعم معايا لما حصلت الاصابه وده اتاثرت بي نفسيا بس في نفس الوقت خلاني احس بالمسؤلية اتجاهم كنت بشتغل وهدفي قدام عيني وان هرجع تاني واكون عند حسن ظنهم ومن هنا وحسيت ان كل حاجه انا وصلتلها مكنش شطاره مني ده كانت ترتيبات ربنا ليا قربت منه اكتر حسيت بالرضا وحسيت ان ربنا بيقولي متقلقش انا جنبك ومش هسيبك ف ارتحت وهنا التفكير اتغير لما حسيت بالرضا النجاح مهم جداً بس الاهم منه هو علاقتك مع ربنا ومن اهم النعم الناس اللي بتحبك بصدق واللي وجودهم في حياتك بيخليك انسان احسن، اتعلمت ان اكون حامد من غير شروط اسعي واشتغل واتعب بس في نفس الوقت احافظ علي كنوزي الحقيقية اهلي وأصحابي والقلوب اللي بتقف جنبك في كل لحظة لأن دول اللي بيفضلوا يوم ما تتعب او تمرض او حتى ترحل واللي بيفضل فعلا هو الذكري والدعوة الحلوة واللحظة اللي بتبقي اثر في قلب كل واحد لأن الاستثمار الحقيقي هو الاستثمار في الذكريات بيخلي اللحظات تعيش فوق عمر الإنسان».
وأضاف: «شكرا من قلبي لكل واحد افتكرني وبعت كلمة أو دعاء لي وجودكم حواليا بيكبر المعني ويطول عمر اللحظات الحلوة شكرا على دعمكم».
البرازيل
-
:
-
11:00 PM
كأس العالم 2026
النرويج
فرنسا
1
:
0
12:00 AM
كأس العالم 2026
باراجواي
تعليقات الفيسبوك