إبراهيم حسن
وجه إبراهيم حسن مدير منتخب مصر رسائل هامة لإمام عاشور لاعب النادي الأهلي بعد أزمته الأخيرة داخل القلعة الحمراء.
وقال إبراهيم حسن خلال مداخلته الهاتفية ببرنامج ملعب أون عبر قناة أون سبورت : إمام جواه طفل، يعني هو طيب جداً. ممكن يكون فيه حد مثلاً بيجي من فترة لفترة كده يحاول يديله معلومة غلط، أو يخليه -بلغة الكورة- 'بيسخنه' مثلاً إنك إنت تقول عايز كذا أو أنا زعلت إني ما عملتش كذا، وأنا هنا بتكلم كأي مواطن أو مشجع بيشوف الماتشات، ومش عارف هو زعلان علشان ضربة جزاء ولا علشان إيه.
وتلبع: لكن أنا زعلان يا ريت يبقى سامعني يا إمام إحنا تعبنا كتير وإنت تعبت كتير جداً عشان توصل للفورمة صح. وإنت أول ما جيت معانا في التجمع كنت بتبدأ من الصفر، يعني من تحت الصفر كمان، ليه؟ لأنك كنت جاي لسه -ربنا يشفيك- كنت جاي تعبان جداً وإنت واقف على رجليك وإنت الناس كلها فرحانة بيك إنك بتكسب الفريق اللي معاك إنما هتبعد.. كل ما تبعد بعد أما رجعت لفورمتك بنسبة كبيرة جداً، هترجع تاني من الصفر ودي حاجة مش كويسة. أنا شايف إن إمام يراجع نفسه وبسرعة لأن الوقت ضيق جداً.
وأكمل: ليه الوقت ضيق؟ لأن عنده التزامات مع النادي الأهلي وعنده التزامات مع منتخب مصر. فإنت عشان هنبدأ من الصفر عشان ترجع لفورمتك تاني إنت الخسران، وفي نفس الوقت إنت هتإذي المنظومة كلها إنك من ضمن العناصر القوية اللي تبقى موجودة في المنتخب.
وأردف : لازم هتلاقي نفسك مش هتعرف تلم نفسك لأنك هتلعب في مستوى عالي جداً، مستوى أعلى كمان من كاس الأمم. إحنا كنا بنقول كأس الأمم شراسة ومستوى فوق الوسط، إنما إنت رايح على مستوى كأس عالم، فإنت لو ما كنتش جاهز طب هتعمل إيه؟.
وأختتم:أنا شايف مطلوب طبعاً -وهم أحرار أكيد في النادي الأهلي- يبقى فيه اجتماع بـ إمام ويبقى لو الغلط حصل منه يبقى فيه مثلاً اعتذار لجماهيره واعتذار للنادي بتاعه بحيث إن الناس كلها اللي زعلانة منه تسامحه،و الموقف حساس جداً فما ينفعش نكلمه في الوقت دوت إلا أما يحدد هو بنفسه هياخد قرار إيه مع النادي بتاعه.
البرازيل
-
:
-
08:00 AM
كأس العالم 2026
اليابان
ألمانيا
-
:
-
11:30 PM
كأس العالم 2026
باراجواي
تعليقات الفيسبوك