الهاني سليمان حارس مرمى سموحة
كشف الهاني سليمان، حارس مرمى سموحة، عن واقعة طريفة جمعته بـ محمد شوقي، لاعب الأهلي الأسبق ومدرب زد الحالي، خلال إحدى مباريات سموحة أمام الأهلي على ستاد القاهرة الدولي.
وقال سليمان في تصريحات تلفزيونية: «فاكر مباراة كانت بينا وبين الأهلي والنتيجة كانت 0-0 لحد الدقيقة 80 تقريبًا، وساعتها بدأت أضيع وقت شوية لأن التعادل بالنسبة لنا كان نتيجة كويسة جدًا، خصوصًا إن الأهلي كان بيهاجم وأنا بصد كرات كتير».
وتابع: «في كرة خبطت في الأرض وبعدها وقعت وقعدت، والدكتور نزل لي عشان يطمني، وفجأة لقيت قلم نازل على وشي، استغربت جدًا وقلت هو الدكتور بيفوقني ولا إيه»، مضيفًا: «بصيت لقيت محمد شوقي واقف جنبي وبيقولي: خليك كده، كل ما تقع والله لأضربك لحد ما الماتش يخلص».
وأشار حارس سموحة إلى أن المباراة انتهت بالتعادل، مؤكدًا أنه تعمد إضاعة الوقت في هذه المواجهة، موضحًا: «طبيعي لما تلعب قدام الأهلي التعادل يبقى بالنسبة لك مكسب كبير، وده بيحصل في كل حتة في العالم، ونجحت قبل كده في استفزاز مارسيل كولر مدرب الأهلي الأسبق بسبب تضييع الوقت وكان متعصب جدًا في المؤتمر الصحفي، في الماتش ده طلعت كل المواهب المدفونة عندي».
واختتم: «ميشيل يانكون مدرب حراس الأهلي السابق، كان كل ما يشوفني يهزر معايا ويقولي: منك لله يا هاني، الماتش بيبوظ بسببك».
البرازيل
-
:
-
08:00 AM
كأس العالم 2026
اليابان
ألمانيا
-
:
-
11:30 PM
كأس العالم 2026
باراجواي
تعليقات الفيسبوك